› 選擇地區
三藩市
紐約
洛杉磯
其他美國地區
香港 台灣 北美
 
2012年10月13日

樓民講場:我買咗屯門瓏門……

成日聽人講,屯門新樓冇理由賣到咁貴,甚麼「摸頂、蝕硬、係用來搵強國人笨、買家儍的嗎?」的講法都有,我係正宗香港人,剛買入瓏門兩房單位,想同各位分享一下屯門人的想法。
好多年前,屯門有色魔、有條一塞就幾個鐘的公路、細路仔缺乏照顧變街童,以上都是屯門過往的負面形象。
但係西鐵通車後,成個區已經唔同晒,時代、人口都變咗,點解大家仍然覺得屯門唔會變,仍是不值一提的區域?
我在屯門長大,以前這區窮人的確多,但空間大啲,成長中唔覺自己有乜嘢缺失,後來投身社會,為方便工作要搬出市區,家住青衣,開始進入半退休狀態,不再需要在繁忙時間擠交通工具,所以最近買了瓏門,日後跟太座搬番入去。
未住過屯門的人,會覺得這區「冇雷公咁遠」,但作為屯門人,我哋從來唔覺得佢有問題,有咗西鐵,直情係超級方便,已經唔係悲情城市。
事實上,屯門冇乜華麗兼大型的屋苑,好多跟我差不多背景的屯門人,都會對瓏門這類新樓有興趣,佢賣得好,並唔係一句「呃強國人」就可以解釋到的。
對人對事,客觀啲好!
讀者 陳先生

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載