› 選擇地區
三藩市
紐約
洛杉磯
其他美國地區
香港 台灣 北美
 
2012年10月16日

中環在線:小超人床上等超人柯打 - 李華華

原來怕老婆未必會發達,但係怕老竇就肯定會發達,睇小超就知啦。

長和系主席李超人今年初公開話將上市王國交畀長子李澤鉅(Victor),超人嘅上市王國業務遍全球,自然惹來外國傳媒關注呢位接班人究竟係一個點樣嘅人,路透社最近走訪超過20位接近李家消息人士,對小超人有讚有彈,基本上認同佢好叻,好着緊數字同盈利,對業務瞭如指掌,但部份個性不及超人阿爸。

謙卑未及老竇

和黃(013)前大班馬世民認為,Victor都係跟住阿爸嗰套,但部份個性,好似謙卑同信任別人嘅能力,仲要跟阿爸多多學習。另一位退休高官亦指,超人份人不忘本,一定記住幫過佢嘅人,佢唔敢講小超係唔係咁嘅人。
可以肯定嘅係,Victor應該幾怕阿爸。有受訪者爆料,話未有電郵之前,Victor床邊有部fax機,隨時準備三更半夜收阿爸fax,收指示做嘢。又曾經有幾次公司開會,Victor半開玩笑咁要求幾位董事幫手,叫阿爸唔好為難佢。其實咁都無可厚非,幾千億市值嘅上市王國,超人想唔嚴謹都唔得啦。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載