› 選擇地區
三藩市
紐約
洛杉磯
其他美國地區
香港 台灣 北美
 
2012年10月28日

背後努力
日睡三小時將勤補拙

劉家駿早在大學時代,已經洞悉補習行業的價值,但不能接受社會只將他標籤為與錢掛鈎的「補習天王」,而抹煞他背後多年的努力。過去多年的每個工作日,他自言只睡三至四個小時。走上這條天王路,要歸因於他懂得揚長避短,並非父母刻意栽培,「佢哋都未讀過大學,但自己自細嘅強項一直係英文,就專心學好……我數學都好差㗎,會考攞到D係幸運。」他細說起當年,「我讀中學已經立志教書,而做補習老師坐底可以影響千幾人,但當時唔知道搵幾多錢㗎。」直至他上大學後做私人補習,「試過有學生最多用1200蚊一個鐘嘅價錢請我補習,其他嘅六人小組,每人都要700至800蚊一個鐘。當時呢種嘅強烈信息,肯定咗自己好有市場價值。」

相關新聞:過老闆癮籌備開辦音樂培訓學校

課堂魅力重要

他這樣總結造星之道,最基本「一定要有料,齋講考試技巧,呃唔到幾多年」,其次要有課堂魅力,「某程度上係觀眾緣,有時上堂甚至要Chok少少」。要肯揼本投資教學配套之餘,形象都好重要。劉家駿說,做補習天王最開心的是用自己知識影響好多人,「不斷增添多元化嘅教學,保持到學生人數上升嘅挑戰性好大。就算我賺到幾億身家,都唔會退休嘆世界,教書帶畀我嘅成功感先至最重要。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載