› 選擇地區
三藩市
紐約
洛杉磯
其他美國地區
香港 台灣 北美
 
2012年10月29日

職場慧眼:皇帝唔急 - 張慧敏

這幾日不斷再有消息傳出有歐洲跨國大銀行將會大幅裁員,美資大行早經已開始行動。一直積極招聘出手搶人的中資銀行,亦接到柯打準備「交人」名單,連本來用過牆梯走法律罅用合約形式或臨時短期請的員工,一個都不能留全部都要走。金融銀行業的就業前景究竟有幾險峻可想而知。只是目前樓股市皆旺,個個有錢賺之下,香港人未驚過而已!

辛苦返工為乜?

不少去年經已被裁的依然十分「老定」,有的甚至決定轉行全職做買賣,因為既自由還要賺得多過份糧,咁辛苦返工為乜?所以即使有工找上門,人工企硬要加三成。對於這些身家豐厚的被裁者,我除了唔抵得之外,實事不關己。不過當連根基都未有、初出茅廬年輕人亦抱着這種心態的時候,能不着急?話說阿姐銀行自去年開始全面停止招聘,辭職走的亦不能填補,所以只好請合約員工頂住,由於完全沒有任何福利又想留得住人,這類臨時工的人工會一般比較高。碰上一個因part time修讀碩士不介意做合約的,阿姐不知幾高興。可惜收到指令要他「起身」,阿姐見他做事還算不錯,做好心問我可不可以幫忙。記得大哥講過想要個肯學肯做的新仔,心想可以做個順水人情醒畀大哥用。和這位仁兄聯絡上之後我問他希望待遇如何,他答兩萬!阿姐給他多少?萬五連補水,底薪萬三,補多句轉工當然要加人工!我即時說不適合,因超越了預算。他問我究竟出得幾多,如果冇乜壓力做得開心其實都有得傾嘅,開價梗係要開高先啦,大家慢慢傾囉,冇理由先行自貶身價。再講,他炒賣很有一手,年來搵埋唔少,他其實一點也不急!張慧敏 http://www.facebook.com/HKcareerdoctor

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載