› 選擇地區
三藩市
紐約
洛杉磯
其他美國地區
香港 台灣 北美
 
2012年12月11日

中門大開:紅波與黑波 - 添馬男

梁粉們都是一班欠政治修養,只懂爭拗之徒。

梁粉真係物以類聚,能人所不能。梁粉雙波,一個紅波邵善波,一個黑波陳茂波,頻頻被人用來set梁振英士碌架。最近黑波又俾傳媒揭出政府推出BSD前40日高價成功放售大角嘴劏房,同炒樓國師林奮強都不約而同睇淡後市。佢話自己冇通知過屋企人政府會出招,又係當人白癡。

零政治修養 乜都拗一餐

當時政府應在醞釀推出新BSD,具體邊日公佈未定,但黑波應已聞到嗰陣味。而黑波在劏房及醉駕兩事後,作為公職人員嘅誠信已受好大質疑,家搵鬼信咩?一個靠炒舊區劏房樓賺錢的專業精英家庭,會係乜嘢人?香港人炒樓好平常,不存在道德爭議,但投資舊區劏房作分租賺取高回報,此等行為是篤爆計數機,係smart ass。大家信唔信smart ass家庭會咁乖,冇利用一手消息沽貨套利避開BSD,又信唔信黑波平時唔會同太太談論樓市,淨係讀聖經?
講到最後,政治品格乃係公眾觀感perception,一個人有品、冇品,唔係話平時見人打恭作揖,唔該前唔該後,而係在於敏感問題上是否以公眾觀感為優先考慮,唔能夠一味叫人信你。
另一個紅波,則懶有型,上立法會發表偉論,教導議員政治學ABC,引起一場政治風波。跟手傳媒又揭出維基解密披露佢向美國領事透露政改內情,本地政界同美國領事應酬會面,十分正常,但紅波以前經常扣人勾結外國勢力帽子,向中央篤本地民主派背脊,結果自己一樣,才授人話柄。
梁粉們有一共通特徵,是好辯,以為政治就是辯論,乜都拗,斟酌一字一句。可惜佢哋唔明白政治是關乎perception,絕非口舌之爭,而是為政者表現出修養、態度、處事。物以類聚,梁粉都是一班欠政治修養,只懂爭拗之徒,看在香港人眼中,個心點會尊重佢哋?

添馬男

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載