› 選擇地區
三藩市
紐約
洛杉磯
其他美國地區
香港 台灣 北美
 
2013年01月12日

焦點故事:我點解買置安心

房協資助房屋計劃「置安心」青衣綠悠雅苑下周五(18日)截止申請,過去一周,親身往遞表的市民,包括老夫婦、父母攜同子女、新婚夫妻、準新人及八十後……不論是白表或綠表的,也抱着中獎夢,期望抽到安樂窩。買樓因由各異,但偏偏選擇置安心,主要有八個理由。
記者:陳家雄
攝影:羅君豪、張志華

首期30萬可上車

好彩中籤的話,買家簽臨約時需付樓價5%,到簽正式合約時再繳付預計印花稅及相當於樓價5%的定金,90%樓價餘額在收到房協簽訂轉契後繳付,換言之,付一成首期就可以上車,以最低入場費1座3樓B室計算,訂價245.9萬元,首期、稅項及雜費需約30萬元。

保險連佣金慳10萬

在市場購買二手樓須付代理佣金,若承按高於七成,還要付按揭保險費,以245.9萬元物業、造九成按揭計算,樓按2.15厘,分25年攤還,保險及佣金為74139元及24590元。如今房協表明做擔保,免按揭保險費,又毋須代理介入,免除佣金,單是這兩方面,已為買家慳10萬元。

同區私樓貴46%

按市價七折開價,實用面積平均呎價6510元,若沒有折扣下,實用呎價9300元。與同區私樓比較,位於青綠街、樓齡26年的青怡花園,最近一個中層單位,實用面積343方呎,連租約,以325萬元成交,實用呎價高達9475元,創該屋苑呎價歷史新高,呎價比起綠悠雅苑高逾46%。

實用面積勝私樓

不少受訪者表明,入表是有實際住居需求,然而現時政府幫助市民上車的資助房屋計劃,屈指可數,而且樓價高企,想以幾十萬元首期買到500幾方呎實用面積的新樓,幾乎不可能。且看恒地最近公佈旗下九龍城曉薈,入場費400萬元,算是易上車,但只是一個建築面積286方呎、實用面積182方呎、實用率63%單位,即實用面積不足160方呎的迷你戶。

八成實用夠晒秤

由先租後買、可租可買,到只買不租,也沒有動搖過實用率八成的方針。觀乎近年新盤,實用率若有七字頭已算有良心,更何況是實用八成!間隔方面,由實用面積421方呎一房,以至696方呎三房,均採用長廳設計,其中供應最多的兩房單位,大部份大房是7呎10吋x10呎2吋,細房是6呎10吋x6呎10吋,比起一些把細房設計成5呎5吋闊的新盤來說,絕對稱得上實用兼夠秤。

行15分鐘到青衣站

由綠悠雅苑步行往港鐵青衣站約15分鐘,由青衣站往機場、尖沙嘴、中環約15至20分鐘,對於前往機場上班的用家來說,是理想地點。青衣站旁的巴士總站設有多條巴士及小巴專線往來沙田、荃灣及葵芳。不過由屋苑步行港鐵站途中,大部份無遮無掩,會日曬雨淋。

全新裝修送家電

揸住幾十萬元想買新樓?小記排隊睇示範單位,場外代理會硬銷元朗尚悅,聲稱同樣幾十萬元首期已可上車,然而地點、間隔及用料有差別,加上尚悅聚焦內地客,想強國人做鄰居,還是選擇同聲同氣香港人?不少申請者表示,花四、五十萬元有機會住新樓,甚為難得。有受訪者不諱言入伙後不用裝修,又附送珍寶牌分體式冷氣機、TGC煮食爐及抽油煙機、TOTO洗手盆等,均是近年私樓新盤選用的品牌。小數怕長計,大大話話慳幾萬蚊入伙成本。

部份單位望海景

綠悠雅苑位於青綠街,北面是青怡花園、西面是青衣邨、南面是平房,東面是足球場,附近有體育館及多項文康設施,距離青衣公園約10分鐘步程。景觀方面,3座部份高層向東南、東北單位,以及2座向東南單位或可望海景。

【入表市民心聲】

冇屋住,同埋價錢都OK。陳先生 冇屋住,同埋價錢都OK。陳先生 𠵱家300萬買唔到新樓!王小姐 𠵱家300萬買唔到新樓!王小姐 買置安心因為佢嘅地理位置比較好,而且實用率比較高!粉嶺居民 買置安心因為佢嘅地理位置比較好,而且實用率比較高!
粉嶺居民
只要唔賣出去,都有個discount(折扣)喺度。陳先生 只要唔賣出去,都有個discount(折扣)喺度。
陳先生
OK呀!裝修都唔錯呀……環境都幾好。徐先生 OK呀!
裝修都唔錯呀……環境都幾好。徐先生
理由?平啲囉,七折(市價)吖嘛!黎先生 理由?
平啲囉,七折(市價)吖嘛!黎先生
因為有實際需要,政府冇乜(資助房屋計劃)畀我哋,呢個係第一期,所以申請。黃先生 因為有實際需要,政府冇乜(資助房屋計劃)畀我哋,呢個係第一期,所以申請。黃先生 有折扣,我又對房協建築質素有信心,仲係新樓,兼且地點都唔差。謝先生 有折扣,我又對房協建築質素有信心,仲係新樓,兼且地點都唔差。謝先生 物業呎價都算平嘅!九龍城居民 物業呎價都算平嘅!
九龍城居民
同私人樓間隔都好似,有啲人會覺得有露台好蝕,但我覺得露台用來晾衫好用。陳小姐 同私人樓間隔都好似,有啲人會覺得有露台好蝕,但我覺得露台用來晾衫好用。陳小姐 以最平個價250萬嚟計,𠵱家去邊到買得到?40幾年樓齡嘅美孚新邨都買唔起呀!關先生 以最平個價250萬嚟計,𠵱家去邊到買得到?40幾年樓齡嘅美孚新邨都買唔起呀!關先生 呎價感覺上抵啲,同埋實用啲!郭先生 呎價感覺上抵啲,同埋實用啲!郭先生
間隔比較四正,一房單位都唔錯啦!李先生 間隔比較四正,一房單位都唔錯啦!李先生 抽到先算啦!冇辦法,根本香港啲樓都唔係人買㗎。貴到死。李小姐 抽到先算啦!冇辦法,根本香港啲樓都唔係人買㗎。貴到死。李小姐 我嘅目標係三房單位,買嚟畀個女做禮物,佢喺機場返工,好方便。魏太 我嘅目標係三房單位,買嚟畀個女做禮物,佢喺機場返工,好方便。魏太
因為有實際需要,又係新樓,咪抽吓囉。黎先生 因為有實際需要,又係新樓,咪抽吓囉。黎先生 折扣三成,覺得幾attractive (吸引)。呢個地方近地鐵站,空氣又好。Anita 折扣三成,覺得幾attractive (吸引)。呢個地方近地鐵站,空氣又好。Anita 啱啱結婚,私人樓貴,所以同老公嚟睇吓,博抽中。查太 啱啱結婚,私人樓貴,所以同老公嚟睇吓,博抽中。查太
因為係政府推出嘅優惠。陳先生 因為係政府推出嘅優惠。陳先生 七成按揭造唔到,𠵱家可以用九成按揭去買有質素嘅樓。陳先生 七成按揭造唔到,𠵱家可以用九成按揭去買有質素嘅樓。陳先生 𠵱家買唔到(私)樓,貴吖嘛。王先生 𠵱家買唔到(私)樓,貴吖嘛。王先生
實用面積夠,300幾萬可以買500幾呎,差唔多行均全港九新界都買唔到。朱先生 實用面積夠,300幾萬可以買500幾呎,差唔多行均全港九新界都買唔到。朱先生

抽兩房 幫個仔上車

陳太見現時樓價高企,擔心兒子要面對上車困局,所以未雨綢繆,為他入表申請置安心。她說兒子做西廚,收入穩定,接近個人入息上限,只要不做「大花筒」,一個人供樓應該應付得來。
透過媒體,看見綠悠雅苑接受申請,翌日即刻拉着丈夫去長沙灣看示範單位,「間隔四正實用,我先生話樓底夠高!」她又說:「一房單位夠個仔住,但如果將來有咗家庭及小朋友,似乎兩房單位會好啲。」定價約300萬元,首期連雜費要40至50萬元,陳太說沒問題,最大問題反而是未知會否被抽中。

月供萬餘 負擔得起

從事金融業的何先生,剛榮升做爸爸,一家三口和父母兄弟逼在鴨脷洲的居屋,幾年前結婚,已打算自立門戶,「抽過居屋,目標係天水圍天頌苑。但抽唔中,今次有置安心,所以打算再抽過。」
何先生月薪兩萬元,算是比上不足,比下有餘,太太亦有工作,計過度過,每月供款萬多元,應該負擔得起,「其實首期一直預備咗,大約幾十萬啦!但近年政府就冇乜資助房屋計劃。」如果拿這筆錢去買私人樓,又未必是心儀的單位,「我希望抽中啦……抽中咗……想要個兩房單位,實用500幾呎,夠我哋一家三口住,細房留畀BB。同埋呢……我唔可以花太多錢喺層樓度,因為我要留番啲錢畀BB,如果造唔到九成按揭,可能會重新考慮。」不過一切言之尚早,還是那一句:「抽到至算啦!」

【購買置安心風險】

未必做足九成按揭

房協強調,不保證買家可獲銀行或財務機構提供九成按揭,一概以銀行的決定為準。有申請者表示,只夠支付一成首期,如果上會時不獲批九成按揭,要向親戚借錢,甚至有可能放棄上會。

不保證可以回購

申請表雖然訂明由轉讓契約日期起計的首兩年內,業主可將單位轉讓予房協。到底是否設有回購機制,小記再三向房協求證,房協強調,條文並不表示設有回購機制,也不保證會作出回購,屆時需要視乎當事人的情況。

五年內不得轉售

買家五年內不得自由轉售,若要轉售,只可賣給合資格的白表或綠表人士。五年後,雖然可以自由轉售,但屆時要補回三成地價。

加息供款更吃力

以家庭入息3萬元為例,物業300萬元,利率2.15厘,借九成按揭,分25年攤還,月供11642元,供款佔家庭入息為38%。如果根據銀行的壓力測試,利率升至4.15厘,月供會是14476元,供款就佔家庭入息48%。

管理費貴過私樓

管理費實用面積每方呎2.3至2.4元,以八成實用率計,建築面積每呎約1.8至1.9元,同區私樓如灝景灣及藍澄灣建築面積每呎管理費約1.4元及1.28元。以綠悠雅苑535方呎兩房單位計算,每月管理費高達1284元,供樓佔月入一大截之餘,管理費開支也不菲。

第二個置安心
沙田項目涉700單位

政府計劃在青衣、沙田、鑽石山、大埔、屯門等五個地區預留土地發展「置安心」項目,合共提供約5000個單位。青衣綠悠雅苑是首個發展項目,沙田是第二個。
其餘鑽石山、大埔及屯門方面,則未有確實選址。
第二個置安心項目位於沙田36C區,地皮位於小瀝源路對面,鄰近帝堡城,可以興建約700個中小型單位,可是地皮涉及斜坡問題,包括是否需要進行斜坡鞏固工程、斜坡日後維修歸政府還是業主等等,政府至今仍未批出地皮予房協。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載