› 選擇地區
三藩市
紐約
洛杉磯
其他美國地區
香港 台灣 北美
 
2013年01月14日

中環在線:
梁兆基 打雀論經濟 - 李華華

梁兆基嘅打雀論講到似模似樣,梗係平日約埋啲賓架喺四方枱上聯誼喇。

滙豐亞太區業務策略及經濟顧問梁兆基外表嚴肅,原來都有幽默一面。
上周五佢喺一個論壇妙語連珠論歐美經濟,以打麻雀嚟形容歐洲經濟大局,指歐洲唔似得美國咁,可以貶值谷出口,「𠵱家德國一家贏三家,想畀佢哋(歐洲小國)贏,即係要德國輸,德國實唔肯出沖呀、大相公咁樣輸畀你。」此言一出,全場掌聲雷動。
對於市場最近傳出美國可能提早加息,佢就兜頭潑冷水,「美國經濟好似垂死病人咁,電一電所以佢醒一醒咋嘛。」至於財政懸崖雖然傾掂咗,但係未解決,只係「遲啲再傾過」。佢承認,歐美經濟最壞時刻過咗,之但係「我冇話過最好時刻嚟緊呀」。
講完歐美,點都要評埋強國啦。梁兆基認為,歐美唔掂,中國出口都冇乜運行,仲叫啲賓架「有定單上半年好接晒佢」,佢估計,下半年冇上半年咁好市。中國保八要靠自己,除咗成日講嘅內需,強國仲要靠基建工程谷經濟。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載