› 選擇地區
三藩市
紐約
洛杉磯
其他美國地區
香港 台灣 北美
 
2013年01月19日

樓民講場:
市區起資助樓 絕不公義

公屋與居屋,是資助房屋。資助是要錢的,錢從何來?其中主要來源是賣地給發展商起私樓,再賣畀私樓業主,仲有利得稅、薪俸稅、印花稅等等,付出者絕大部份都是私樓業主。
住資助房屋是受助者,私樓業主是供給者。請問,如果受助者平價、免費住市區靚地,供給者貴價、全價住次一級地區,這公平嗎?公義嗎?
舉個例,你個個月捐助中國山區兒童,是因為佢哋窮,你想幫助佢,但如果山區兒童比你住得好、食得好,出國旅行多過你,你還會捐助嗎?
幾多公屋、居屋居民,一年去幾次日本歐洲,食好用好,你睇吓領匯屋邨商場,加晒價都咁旺,就明白了。私樓業主花錢反而好慳,因怕冇錢供樓,會俾銀行收樓;但公屋居民冇錢交租,會俾人趕走嗎?
起公屋冇問題,但在市區起,就不合理,因為市區地賣畀發展商,更有經濟效益。
用50億可在市區起1萬個公屋單位,或在新界遠少少的地區起5萬個。邊樣好?幫5萬個家庭還是幫1萬個好?寧願起1萬間市區而唔想起5萬間新界的人,講到尾都是想自己住市區公屋,即係自私,佢哋又有乜資格話業主自私?


無樓無尊嚴(摘自香港討論區)

 
本欄園地公開,歡迎各界來信,以450字為限,請電郵至mailto:Business@appledaily.com,註明《家》樓民講場,請留聯絡電話。編輯保留文章的刪減權。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載