› 選擇地區
三藩市
紐約
洛杉磯
其他美國地區
香港 台灣 北美
 
2013年01月21日

揸飛利浦電視 揚言同韓資拼過
冠捷「韓戰」抗三星

冠捷首席財務總監刁申明言,希望透過飛利浦帶動自家品牌AOC。 王子俊攝

【公司專訪】
冠捷科技(903)貴為全球最大的個人電腦監視器(即顯示屏)製造商,近年求變「撈埋」電視生產,去年更正式接管飛利浦全球大部份的電視業務,除要面對全球經濟充滿不明朗因素,更要迎接席捲全球的「韓戰」,集團首席財務總監刁申表示,「韓國牌子呢幾年上得好快,𠵱家飛利浦要同佢哋直接競爭!」
記者:石永樂

相關新聞:產品研發壓力 大過請人

冠捷早已是監視器的一哥,由於預視電視的未來會隨監視器一樣以平面電視為主導,集團早年就開始以自家電腦監視器品牌AOC生產電視,但一直未成氣候,「响內地做電視,細品牌賣得好辛苦,如果要响國美、蘇寧度賣,入店費超貴……所以只能夠响較小型電器舖度賣,接管飛利浦電視業務,希望做好飛利浦後,可以利用飛利浦嘅銷售渠道賣我哋嘅second brand(AOC)。」刁申不諱言,長遠是希望透過飛利浦帶動AOC。

掌櫃刁申:推廣是弱項

如意算盤尚未打響,冠捷先要應付越演越烈的「韓戰」。不論電腦監視器還是電視,近年的價格都跌得很快,消費者要多謝一眾以三星為首的韓國品牌,但作為生產商的冠捷就大感頭痛,「韓國牌子呢幾年上得好快……三、四年前,消費者都會考慮日本品牌,入到電器舖都唔係咁多三星,但𠵱家周圍都見到三星,電器舖、機場、戶外廣告……」刁申續指,現時三星電視於大部份國家的市場佔有率都是名列第一位,而且是強勢第一位,「(市場佔有率)度度都係廿幾個巴仙,拋離第二位嘅五至十個巴仙。」
除了「韓戰」,冠捷還要面對內戰──公司內部的挑戰,刁申承認,管理一個品牌絕對是一個挑戰,他表示,「飛利浦係一家百年老店,係歐洲三大品牌,唯一欠嘅係成本架構……大家都承認佢嘅質素,𠵱家鬥嘅唔係技術,係marketing。」可惜市場推廣正正是冠捷的弱項,公司向來專注ODM(原設計生產)業務,如今要面向客戶,遇上歐洲經濟不景,「開源唔係咁易,唯有節流。」

相關新聞:購飛利浦前已「拍拖」

電視業務仍蝕 搞重組

去年,冠捷與飛利浦成立合資公司TP Vision,製銷大部份國家的飛利浦電視,刁申表示,飛利浦為TP Vision投放了一筆資金,估計夠仍在虧損的TP Vision「燒」24個月,負責管數的他表示,「其實一路調整緊,節流之前要花錢作一些重組,今年要做嘅工作可能要加速,出年一定要賺錢,所以2013年絕對係好忙嘅一年。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載