› 選擇地區
三藩市
紐約
洛杉磯
其他美國地區
香港 台灣 北美
 
2013年01月21日

中環在線:陳德霖
為人民幣服務 - 李華華

《老表,你好嘢!》做導遊嘅郭晉安大呼「為人民幣服務」,金管局總裁陳德霖都一樣,今日身在杜拜為人民幣國際化做推廣宣傳,係金管局首次去到中東咁遠做路演。

今日喺杜拜路演

自從中央推動人民幣國際化,過去兩年,陳總同金管局其他高層,不時夥拍銀行巨頭,驛馬星動,路演圖包括澳洲、俄羅斯、倫敦、西班牙、巴西、智利同日本,呢次就係佢哋第七次路演。
杜拜係繼阿布扎比後,阿拉伯第二大酋長國,主要靠貿易旅遊同科技發達,係中東地區嘅轉運中心,唔怪得金管局今年首站路演就揀杜拜。
金管局四圍做推廣,不外乎都係想話畀啲海外機構知,人仔國際化已經係大勢所趨,直接用呢隻貨幣做貿易投資結算,可以迴避滙率風險。至於喺邊度結算最穩陣,咁就梗係香港啦,唔係去來做乜!

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載