› 選擇地區
三藩市
紐約
洛杉磯
其他美國地區
香港 台灣 北美
 
2013年01月21日

中門大開:唔識入後波 - 添馬男

梁振英搵位褪軚,後波入得毫無技巧。 陳奕釗攝

政客選舉吹水大開空頭支票,乃人之常情,當選後再搵位褪軚,要講求技巧。梁振英五年規劃由選舉承諾向後退,引起輿論反彈,問題並非針對政客行為,而係佢褪軚手法太鬼鬼祟祟,以為側側膊,市民就唔多覺。

因為佢僭建講大話玩文字偽術有前科,記者會用放大鏡去睇佢一言一行。當李慧玲及香樹輝一齊質佢選舉時曾表示冇需要起焚化爐,佢話自己政綱冇咁講,字面上係寫得好蠱惑,早早開定後門。但大家記得佢在環保論壇上贏得掌聲那一幕,就係表示唔需要起焚化爐。同樣佢自己講過公屋一年三萬五,之後政綱縮水,但大家已入晒腦。佢今日之插水,正係因為當日太成功,叻得滯,在撐梁傳媒推波助瀾下,成功奪取民望。
到呃到個位返嚟後,要褪軚,入後波倒車係需要過程及技巧,首先要整色整水,同各團體政黨商討,然後早早將現實難題公開,及早自我引爆,再提出修正指標。佢老哥天才之處是將所有負面嘢一齊堆到施政報告內引爆,死梗。

政治操作乏力 頻露馬腳

明知吹大咗,就應在施政報告諮詢期內引爆,但佢押後三個月,根本冇任何幫助,一味落區做爛show,浪費時間之餘,反過來推高普羅市民期望,人人認為佢做大龍鳳,至少房屋一定有些少料到,點知一揭盅,所有人包括梁粉在內都大跌眼鏡。
梁振英第一份施政報告滿意率,竟然大幅低於曾蔭權最後一份施政報告,真係醜死人。當日曾喺下台前夕根本已無事可為,但佢擅長期望管理,將復建居屋一招押到最後一年才出,令施政報告滿意率反彈。
半年下來加上施政報告失敗表現,此人有賊心冇賊膽,政治操作能力低落,已不斷露出馬腳。假如北京將政改、23條立法之重託交付畀佢,肯定會搞出一個超級大頭佛出來。

添馬男

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載