› 選擇地區
三藩市
紐約
洛杉磯
其他美國地區
香港 台灣 北美
 
2013年01月28日

中環在線:
經發會搞乜 唔係姓梁就會知 - 李華華

CY呢輪大把嘢煩,相信越來越多人好似梁廣偉咁,搞清楚關係好啲。

講開金管局,同佢個名差少少嘅金發局,帶來嘅爭議有排未平息,令大家幾乎忘記仲有個經濟發展委員會。呢個委員會同樣由CY揸旗,聲稱帶領轄下四個工作小組,制訂全面經濟發展策略同產業政策。
晶門科技(2878)董事總經理梁廣偉係當中嘅「製造、高新科技及文化創意產業工作小組」成員,QQ之父馬化騰亦係其中一員。
華華早排遇見梁博士,問佢呢個小組究竟搞邊科,點知梁博士都係一頭霧水,劈頭回應「唔知做乜住」,暫時一個會都未開過,未知做啲乜,幾咁坦白!不過佢就好肯定咁同CY劃清界線,「絕對唔係梁振英搵我,雖然大家都姓梁。」家陣風頭火勢,撇清關係都好嘅。
梁博士本身都係公職多籮籮,包括香港電子業商會副主席、香港半導體行業協會副會長等等,真係周身唔得閒。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載