› 選擇地區
三藩市
紐約
洛杉磯
其他美國地區
香港 台灣 北美
 
2013年01月28日

公屋嗌天價 550萬逼私樓
竹園北邨街坊:唔係呀

【本報訊】公屋也瘋狂!當天水圍200萬元樓絕迹,基本上全港無平樓的年代,年前以住戶身份購入平價公屋的業主們也坐地起價,正當有公屋原居民賠定外,更有業主叫天價,以550萬元把竹園北邨單位叫價放盤,直逼私人樓,連公屋也非平價貨。
記者:陳家雄

相關新聞:黃大仙公屋 配套完善

本報直擊坐擁公屋王的黃大仙竹園北邨,去年該邨桐園樓高層20室以285萬元成為最貴公屋,單位剛入伙,鄰座有意放盤的業主見街坊賣得好價,最近施政報告又冇料到,原本月初以218萬元成交,最終竟離奇地撻定10萬元;最奇情的是,該邨梅園樓一個聲稱可以望煙花海景的單位,建築面積631方呎,未補地價叫價400萬元,若補地價就550萬元,呎價8,761元,媲美同區私樓和居屋,一眾街坊為之嘩然:「唔係呀嘛!」

訪撻定戶 「𠵱家唔賣啦」

上周二黃昏時份,記者到訪位於黃大仙竹園北邨梅園樓撻定的單位現場,惟兩度摸門釘。直至晚上9時30分,再登門造訪,一把老伯聲從門後傳來:「邊位?咩事?」記者表明身份,欲知撻定因由,接着老伯勾上防盜鏈才開門,從門縫窺見,單位室內樸素,牆身殘舊;房門打開,似乎屋內只有老伯一人。於是詢問是否業主,他支吾以對,接着追問是否賣樓,他反應極大,中氣十足地回應:「𠵱家唔賣啦!」,記者再追問為何最終撻定、想價好才賣嗎?他不停說「算啦!唔賣啦!」然後關門,不作一聲。

本周日記者再度到訪該單位,但無人應門,鄰居說:「佢出咗門啦!阿伯有個仔,但好少返屋企,而家好多時候都是一個人住。」訪尋不果,便走到鄰座桐園樓,去年一高層20室,曾以285萬元榮膺「公屋王」寶座,經過一個月多裝修,現在裝上全新鐵閘,一名年約30多歲女子應門,現場所見,內櫳裝修雅致,記者表明來意,該女士隨即關門拒絕訪問。
由屋邨入伙住到現在的陳太賣花讚花香,「呢度交通方便,環境清幽又有花園魚池,有人更說似美孚。」她稱,過去不停有代理叫她賣掉自住的500多方呎單位,未補地價可開價150萬元,「但是我驚賣咗買唔返呢!」另一名街坊馮小姐又說:「就算呢度點升,出面啲樓仲貴,賣咗我係買唔返㗎!」

記者向區內代理了解市況時有驚天價發現。金匯地產蔡智龍指,該屋邨有個癲價放盤,為梅園樓極高層單位,建築面積631方呎,實用面積489方呎,叫價400萬元(綠表)、550萬元(自由市場),補了地價的建築呎價達8,716元,貴絕竹園北邨。鑽石山龍蟠苑D座高層1室,實用面積353方呎(建築面積480方呎)一房戶,以345萬元成交,實用呎價9,773元,創屋苑一房新高。他指,黃大仙區的公屋盤源緊絀,好多業主見施政報告無辣招封盤不賣,等農曆年後再決定。

街坊點睇公屋樓神

驚賣咗買唔返

陳太太:「呢度環境清幽,有花園魚池。曾有代理叫我賣,未補地價150萬元,但我驚賣咗買唔返。」

呢區公屋勁升

董先生:「呢區啲公屋升得勁,今日有人反價,下個月又唔知咩市,長遠樓價只會向上。」

點都平過私樓

馮小姐:「呢度幾好住,環境好,交通方便,就算呢度點升,出面啲樓仲貴。」

新game出爐 ~ 快啲試下自己有無辦法上車啦!
【「樓」年運程小測試】
http://www.tomonews.net/game/hkhousingpolicy/

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載