› 選擇地區
三藩市
紐約
洛杉磯
其他美國地區
香港 台灣 北美
 
2013年03月05日

樂香園:暖冬玩殘零售商 - 海迪

最近唔少人話本港新春銷售旺場,但另一邊廂,賣衫褲鞋物嘅零售商似乎被暖冬玩殘,斯人獨憔悴。百麗(1880)旗下嘅「Staccato」、「Millie's」等品牌,店內起碼仲有近一半秋冬貨,全線做緊三折。至於出現存貨問題超過一年嘅I.T(999)就仲恐怖,不停派coupon鼓勵你重複消費不特止,最新又嚟多轉全線分店低至一折大清貨,再加買四送一。入面堆衫海,個架啲衫多到係你推都推唔郁。
同為零售行家的一名上市公司高管話,今年冬天凍的日子太少,對賣衫來講本來就唔着數,加上市場近年競爭者多咗好多,消費者太多選擇。他說,以往好景時,一過完農曆新年幾日,I.T就已經換晒季,百麗亦都唔會遲好多,點會好似𠵱家咁,仲清緊冬裝?呢個景況,只有08年金融海嘯後那個冬季出現過,他個人感到有點憂慮。
海迪唔覺得整體消費市場氣氛太差,只是當自由行出現結構性改變,增長回復new normal水平時,行業即出現嚴重兩極化現象。觀乎最新零售數據,只有化妝品、電子產品表現可持續強勁,其他項目幾乎都乏善可陳。咁樣嘅市況,能算健康嗎?

海迪

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載