› 選擇地區
三藩市
紐約
洛杉磯
其他美國地區
香港 台灣 北美
 
2013年04月09日

賓架出身 掉頭籲嚴管銀行

【保障巿民】
面對越見嚴厲的監管措施,銀行界可謂越來越「難撈」。曾經是「賓架」的張耀堂指出,金融海嘯一役後,有必要收緊銀行界的監管,保障小巿民,「好多人退休金都係擺晒銀行度,如果一下子無晒,唔通真係靠嗰千幾蚊生果金咩!」
有幸及早離開銀行界,他指每人際遇都不同,仍有不少銀行界的朋友「做得好好」。遇着行業客觀環境變得惡劣,他忠告說「怨都無用」,「與其去擔心改變唔到嘅嘢,反而唔去做要做嘅工作,先至令人擔心。」

相關新聞:八達通憂手機錢包爭食張耀堂:多個人做 肯定拉薄

升職多了下屬 唔易做

社會上有不少對職場上的80、90後的批評,當初張耀堂亦年紀輕輕就投身社會大學。他中六畢業後,由銀行小職員做起,到現在晉身CEO行列。回想當初由小職員變身主管,亦「擺過烏龍」,後來才漸漸學懂管理哲學。
「初頭係個人表現,做得好,畀到成績出嚟就得。」後來得到老闆信任,升職後多了下屬,「嗰時以為好容易啫,佢哋做唔到嘅嘢,咪自己捲高衫袖做埋囉。」閒時又會請下屬吃飯,組織旅行。後來才發現這個辦法「唔work」,「再升大啲部門,仲成日請食嘢,份人工點貼得咁多呀!」
對於80、90後,他不認為兩代的年輕人,工作上有明顯分別,只是生活條件比以前好,「以前真係要搵錢養家,而家可能係屋企sponsor(資助)返佢哋。」他指任何時候,最重要仍是先付出,「唔通坐定定就有直升機升你上去咩!」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載