› 選擇地區
三藩市
紐約
洛杉磯
其他美國地區
香港 台灣 北美
 
2013年04月09日

金手指:日本人唔買樓? - 孫柏文

董太、楊千嬅、孫媽媽,大家估唔估到,有乜共通點?除咗係女人之外,三個都曾經係護士。咁護士們,對住啲可能病及食晒藥嘅人講嘢時,又要佢哋記得入腦,就要靠message repetition,重複又重複咁講。
有冇效?03年一疫,話:「記得記得記得。」你又記唔記得下聯係乜?嗰招咪就係咁勁囉。唔知嘅90後,對對聯就係「記得記得記得、買樓買樓買樓!」
不過講起買樓,孫柏文喺今年年初話沽日圓買佢跌。最好就係借Yen,買日本樓收租還款,因租金回報遠超利息開支。
咁喺長假期前,我就同火燎森做臥底,放蛇去有日本樓賣嘅香港辦事處研究研究。
佢哋喺全國都有新盤,淨係東京都超過十個。有個好近銀座,可以行過去嘅盤,我都覺幾吸引。
仲要話外國人同日本人產權及買樓程序一樣,唔會學我哋咁有咩非本土BSD(買家印花稅)。
點解見完兩個禮拜後先講?因為火兄飛去日本進一步做Due Diligence(盡職調查)。佢報告話,日本好多地產經紀已經唔識做買賣,淨係識做租盤。

回報剛彌補樓價跌幅

仲有,問點解日本人只要入息夠高,可以唔使首期(因為佢哋銀行信一生打同一間公司工嘅世界),借低過1厘利息按揭,收至少5厘租金(東京舊樓有大把超過10厘),都唔買樓時,佢話原來日本人話收幾多租,都係啱啱彌補到樓價跌幅,所以唔買。
講真,如果你信日本政府2012尾起話要用通脹去減國債,租金實物就會升。火兄嘅研究已令我相信日本樓市用日圓計已到底,唯一就係日本人自己唔信,似06年嘅香港人。聽日繼續講點借錢。不過最後,記得記得記得,買樓買樓買樓!

孫柏文
獨立股評人
http://facebook.com/shuen 本欄逢周二刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載