› 選擇地區
三藩市
紐約
洛杉磯
其他美國地區
香港 台灣 北美
 
2013年04月10日

被轟回報低 逼釋放價值
滿足基金 瑞安:陸續賣資產

黃勤道表示,瑞安會出售非核心資產以體現資產價值。

【本報訊】瑞安建業(983)股價與資產淨值長期出現大幅度折讓,集團董事總經理兼行政總裁黃勤道表示,有基金股東投訴,指集團股份回報太低,要求釋放(deliver)股份價值。他表示,會陸續出售旗下非核心資產,不排除會派發特別股息。分析指,集團所持資產價值逾100億元。 
記者:陳健文

相關新聞:稱賣產與瑞房供股無關

黃勤道接受訪問時表示,曾有基金向集團投訴股份回報太低。他說:「寄信嚟又試過、打電話又傾過,面又見過,連我哋大股東兼主席羅康瑞都收過佢哋啲電郵,就係話我哋咁多年話賣嘢套現,但又賣唔到,唔滿意個回報低,未能體現到所持有嘅資產價值。」
他續稱:「佢個名我就唔方便講,只可以話我都同佢哋代表見過幾次面,佢哋無話過要求進入董事局……雖然佢哋夠票可以委任代表進入董事局,但據理解佢哋無計劃咁做,只希望做一個普通投資者。」
翻查資料,除持有47.67%權益的大股東羅康瑞外,第二大股東為對沖基金Penta Investment Advisers Limited(PIA),持有約22.99%股份。PIA來頭不少,是由大鱷索羅斯舊將John Zwaanstra於98年成立,所管理資產曾高達50億美元。

內房項目善價而沽

資料顯示,PIA是在06年首次申報持有瑞安建業逾5%股份,其後一直增持至現水平。據悉,PIA原本是看好瑞安建業資產,特別看好估值逾40億元的水泥業務,一直希望等待其分拆後「收成」,分拆不成後,則等待集團出售相關業務,惟出售一事一直未能成事,故導致該基金直接向管理層投訴。
為了可體現所持資產價值,黃勤道表示,出售資產是其中一個考慮方案。他說:「唔計我哋一早話最遲喺2015年出售嘅水泥業務,我哋手上仲有好多值錢嘅非核心資產,好似北京瑞安君匯、瑞安城中匯同埋上海翠湖天地咁,所有項目都會善價而沽,但幾時可以賣到,𠵱家就預計唔到。」
瑞安建業最新業績披露,其截至去年12月底止的資產淨值約105.86億元,與其截至昨日的50.32億元市值比較,資產折讓幅度逾50%。
有外資基金經理表示,PIA今次要求公司增加回報的做法在外地好普遍,近年香港亦越來越多基金這樣做。他說︰「咁做唔一定係惡意狙擊,大家都係為咗錢,買咗咁耐都係想要回報,我估佢哋都只係求財,想公司出售資產後派特別股息,唔似會玩嘢。」

相關新聞:建築最拿手 擬專注發展

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載