› 選擇地區
三藩市
紐約
洛杉磯
其他美國地區
香港 台灣 北美
 
2013年04月26日

基金經理 圓桌會議:
中環人看佔領中環 - 蔡東豪

Tony: 講吓政治,大家點睇佔領中環?
Eddie: 近日很多關於佔中負面講法,話中央會因此猜忌香港,唔會送咁多禮,做唔到人民幣離岸中心。I beg to differ,我認為,就是因為有佔領中環,才凸顯香港與上海、前海不同之處。
Charles: 我本身理解這行動,但前海in a way是香港的back up,到時香港有問題,就轉到前海。金融界已有不少是大陸公司,好容易轉過去。
Raymond: 香港的國際金融中心歸根究柢,有些優勢是前海不能取代到,所以內地的大款會選擇把資金泊在香港,而非前海。

民主進程要互動

Eddie: 香港過去能成為轉口港,就係因為夠自由,北京當然想香港成為醉生夢死的經濟城市,但香港在中國史上最輝煌一頁,卻是孫中山,胡志明也有一段時間在香港,就因為是自由港,才會招來了這些人。
Charles: 我較為保守。戴(耀廷)教授是我同屆的港大同學,好多人的出發點係好純正,我理解,但我哋唔可以將香港脫離中國,去睇民主進程,一定要同佢哋integrate,要互動。成件事對中國政治改革係有好處定壞處,北京的interpretation係點?
Eddie: 你講的很有道理,可能五年前、十年前都OK,但到了今時今日,generational change,一句講晒,香港more than ready for direct democracy,是㩒不住的。
Raymond: 也不是ready與否的問題,而是,若果你唔畀民主,啲人仲管唔管得掂。
Tony: 我支持佔中,因為覺得再拖落去,負面影響會多過正面。
Charles: 我覺得,你哋太從香港的角度去睇。一國兩制,不是單單對香港人講。其實也是同中國人講。
Tony: Enough is enough,我等夠了。由198幾年講到2007年,再講到2017年,I have enough。
Charles: 大家對民主有太多dream。我覺得,今次所有發達國家最後會再有一場足以引發戰爭的金融危機,之後大家會反思現有的政治制度,好像百多年前共產主義會萌芽一樣,我不知是甚麼?或者會出現一個另類民主制度。

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載