蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年05月23日

的士掀換車潮
豐田減價迎戰日產

【本報訊】今明兩年本港逾八千架「高齡」的士到期換車,多間車廠宣佈參戰。現市佔率逾九成的豐田皇冠,率先劈價兩成應戰;闊別香江十年、由大昌行(1828)代理的日產,推出五座位的士吸客,參戰者還有比亞迪(1211)及福特等。
儘管車廠減價搶攻,惟車行表明無意減租,最終肥了車主,司機乘客無着數。
全港逾1.8萬架的士中,約8,000架已行駛超過10年,有意在今明兩年換新車。過去大規模換車潮鮮有發生,主要是運輸署在2003年底終止「柴油車換石油氣車」補貼,吸引大批車主趕出車所致。

相關新聞:車行賺盡 司機乘客未受惠

將引入的新款的士

「十年都冇賣得咁平」

現時本港街道上,逾九成的士為豐田皇冠,該車款在今年3月率先減價,由近26萬元大減至19.9萬元。代理商皇冠汽車有限公司公共車輛經理李啟祥稱,「十年都冇試過賣得咁平!」他透露自減價後,已多接了近500張定單。
業內人士指出,過去十年豐田壟斷的士市場,「企硬不減價,車價由10年前約17萬元,一直加至26萬元」,忽然減價很可能是「收到風」,競爭對手日產重返香江。而豐田推出的混能的士Prius,賣點是比石油氣更還保,惟車價稍貴。
日產十年前退出香港的士市場,代理商合誠汽車總經理崔慶銓指,應司機要求,重新推出五座位Cedric石油氣的士,已接約150部定單。他笑言,「𠵱家重返香港,車價同十年前差唔多。」
「唔係想打低其他人,有六、七成司機想揀五座位,畀多個選擇市場。」崔慶銓續稱,定價已非常進取,要視乎對手及市場反應,決定是否進一步減價。

比亞迪福特參戰

除兩大日資廠外,國產比亞迪(1211)、美國福特,連意大利快意亦有意參戰。其中比亞迪電動的士e6已抵港並投入服務,集團總裁王傳福豪言,明年要在港營運1,000部的士、2015年增加至3,000部以上。
不過司機普遍認為充電麻煩,加上車價高達40萬元欠競爭力,市場並不看好。
「過江龍」福特透露,9月將推出「港版」Ford Transit Connect石油氣的士,車箱空間比對手大三倍,消息指車價與日本車相若,明年初正式登場。
此外,另一「過江龍」快意亦推出電動的士Doblo攻港,環保署已批出「綠色運輸試驗基金」補貼車價,惟車廠因財困而暫緩計劃。

【的士司機對換車意見】

電動車叉電費時

李先生:「每次一有新車款,實會加車租。慳到石油氣費唔知真定假,但電動車每次叉電兩個鐘,點搵食呀!」

車租只有加無減

楊先生:「車租只會有加無減,啲的士牌俾人壟斷晒,好似炒樓咁,建築成本平咗,咪一樣加租!」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載