蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年06月04日
馬上成為壹會員

金手指:點炒興登堡凶兆 - 孫柏文

馬會內部當年亦有聲音反對開場外投注站,以免讓人感覺賽馬就是賭博。 資料圖片

上個禮拜,見立法會做諮詢關於香港賽馬會,申請當一場馬有幾個地方接受投注時,將幾個彩池銜接,變成每一度買隻馬都係同一個賠率。當孫柏文幾個月前見到呢個諮詢排期時,我已同自己講:「一早就應該咁做啦!」因為冇理由同一樣嘢,同一樣機會率,居然會唔同價錢,18世紀咩?因資訊唔發達令同一樣嘢嘅價錢唔同。
其實馬會由殖民時代已擔重要嘅社會責任,喺上世紀60年代,因為馬會係一個會員自己練馬、騎馬出賽嘅興趣會,根本冇諗過搞到咁大。不過因社會對賽馬有濃烈嘅興趣,賭馬呢個嗜好非常普遍。咁因為冇馬場外嘅投注站,黑社會外圍受注猖獗。呢啲組織更因呢個財勢賄賂警察,令貪污問題衝擊全港。為改變呢個局面,當時政府問馬會可唔可以開場外投注站,同埋將賽馬職業化。我問過啲記得呢件事嘅會員,佢哋話當時有好多會員有諗過反對,因為會首先令人覺得賽馬就係賭博,同嗰啲鍾意自己騎上隻馬操練嘅會員,喺去業餘化後冇得再咁直接參與。不過當時,因為馬會會員知道佢哋可以為社會當時嘅嚴重問題出力,所以大局為重,接受會內根本性改變。

撈底時間要好準

講起跑馬,朋友有個我叫「馬場技術分析」嘅揀馬法。佢話只要有幾個現象出現,例如賠率轉熱(有信心)、出賽馬馬主有行動不便嘅長輩一齊出席(冇機會叫個行都行唔到嘅老人家入場?玩呀?)。咁股場都有,噚日,本報講過興登堡凶兆(Hindenburg Omen)出現時會股災。對上一次出現喺2010年暑假,當時我喺電視次次講。咁股市當時真係跌,不過跌到8月尾時,聯儲局主席伯南克就宣佈第二期量寬,之後大升特升。今次如果一樣,大家要點炒?撈底要時間好準囉,到時,留意本報就得!今日係6月4日,全力支持資產階級自由化!

孫柏文
獨立股評人
http://facebook.com/shuen
本欄逢周二、四刊出

Hit一o下,動全新
即刻去Google Play Store, 下載【蘋果動新聞】新版Android App:
http://bit.ly/appledailyupdate

自力更新方法:
1)到 Play Store
2)搜尋「Apple Daily」
3)登入蘋果動新聞App
4)按更新,即可動全新

iPhone新版App,將於7月登陸

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載