› 選擇地區
三藩市
紐約
洛杉磯
其他美國地區
香港 台灣 北美
 
2013年07月08日

中環在線:嘉麟樓奶月換師傅
舊帥升呢 挖利苑師傅接手 - 李華華

【升上神枱】
葉永華師傅做咗「半島集團點心大使」。

今日先至係農曆六月初一,距離中秋節仲有兩個半月,城中名人熱捧嘅半島酒店嘉麟樓奶黃月餅,已經透過網站賣完,唔通真係「行船爭解纜,月餅我賣先」?不過話時話,買咗嘉麟樓月餅嘅仁兄,今年要試真啲味,事關主理開嘅葉永華師傅已經升為「半島集團點心大使」。

葉師傅升任點心大使

葉永華師傅已屆花甲之年,27年前創製嘉麟樓奶黃月餅,佢原本打算舊年底退休,唔再做嘉麟樓點心部主管,半島卻極力挽留,新設「半島集團點心大使」呢個全職職位畀葉師傅,葉師傳今年一月就開始成為點心大使,四圍飛去其他國家嘅半島酒店,為中菜點心業務畀意見。

嘉麟樓於是從利苑集團請來方利興師傅,頂替葉師傅做點心部主管。雖然葉師傅升呢,但整奶黃月餅咁大件事,聽聞佢今年仍然會坐鎮,同方師傅一齊負責統領幾十位師傅手造月餅,味道有冇分別,會唔會因應每盒加到485元而更加好味,真係要拭目以待。

買唔到嘉麟樓月餅都有其他選擇,舉例,1986年加入半島嘅葉潤發師傅舊年以「望月」品牌推出手造奶黃月餅,網上訂購至本周三,預訂價每盒208元,正價228元,冇加價。再唔係,富豪飯堂福臨門今年亦擬加入月餅銷售戰團,願意畀premium買品牌月餅嘅仁兄不妨等等。

李華華
mailto:LiWaWa@AppleDaily.com

《蘋果動新聞》新版App已經推出,居家遊行上街上網都咁方便,快啲更新,全民動起來!
立即下載↓↓
【iPhone版】 http://bit.ly/appledailyiPhoneapp
【Android版】 http://bit.ly/appledailyandroidapp

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載