› 選擇地區
三藩市
紐約
洛杉磯
其他美國地區
香港 台灣 北美
 
2013年08月13日

金手指:下隻中金再生? - 孫柏文

中金再生被證監會申請清盤,已被廣泛報道,不用多說。

中金再生(773)被證監會申請清盤嗰單嘢,已被廣泛報道,唔使再多講。不過,件事就令我諗起老行尊T喺7年前同我講過嘅說話。
佢話:「要搵盤數有問題嘅民企,間間都係假。問題唔係點解有咁多間公司盤數被爆有問題,而係點解得呢幾間被爆。仲有,呢個問題唔單只喺香港,新加坡上市嗰啲、美國上市嗰個,全部都係假。只係你搵唔搵到證據爆佢出來!」

造假呃錢 被喻真英雄

老行尊T解釋,點解啲民企咁肆無忌憚造假數嘅原因。佢話,大陸人造假數將間公司喺香港上市,呃你班香港股民十億八億,就會被佢條村嘅同鄉喻為真英雄。好,如果間間都係假,下一間中金係邊間呢?睇早前已話「一注獨沽中金再生」嘅Glaucus,佢哋個網站亦有話叫沽西部水泥(2233),目標價係零元。究竟建議堅定流?呢個建議係喺今年初叫沽中金建議前嘅舊年8月發出,我作為前分析員只可以話,寫報告揀公司,一定係最sure嗰隻行先,因早中早紅!
不過,見中金再生,Glaucus出報告出過兩次,而西部水泥先出過舊年8月嗰一次,都已經成年冇再提,可能Glaucus冇料喺手。大家都係等再出報告先再睇。
最後,我同𠵱家喺大陸做咗有牌大耳窿嘅小學同學,傾點避啲造假數嘅公司,就同佢分享我曾叫一注獨贏買嘅民企──珠江鋼管(1938)嘅事。我話:「佢哋舊年係咁話前途一片光明,我就推介佢哋畀我啲讀者。點知,揩晒嘢!因為跟住就幾個月前發盈警,股價暴挫。我因推介過,想約啲管理層問個究竟,約極都見唔我。仲要叫我睇佢哋廠時,居然咁啱『維修』,冇生產。」佢聽完皺眉頭,跟住答我。答案係乜?下周二,再同大家分享。

孫柏文
獨立股評人
http://facebook.com/shuen
本欄逢周二刊出

講電影變講國情,阿澤彭導最後一星期做嘉賓,
未睇?即上《亂噏24》重溫!
http://bit.ly/appletalk24

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載