› 選擇地區
三藩市
紐約
洛杉磯
其他美國地區
香港 台灣 北美
 
2013年08月20日

金手指:重申獨贏珠管 - 孫柏文

珠管目標價看4.4元,重申一注獨贏;圖為主席陳昌。

上禮拜二,講到孫柏文同喺大陸做合法大耳窿嘅小學朋友傾點避假數嘅公司,同佢講我叫過一注獨贏嘅珠江鋼管(1938)。
我話:「佢哋舊年係咁話前途一片光明,我就推介。點知揩嘢!因幾個月前發盈警,股價暴挫。我因推介過,想約啲管理層問個究竟,約極都見唔我。仲要叫我睇佢哋廠時,居然咁啱『維修』冇生產。」

倘業績勝預期 勢爆升

佢聽完問:「佢哋話維修,咁喺條生產線上最尾或頭度,有冇activity?」我答:「有。生產線最尾,即用高水壓驗管質檢,不斷見佢一條一條管咁驗。」佢再問:「喺街有冇其他人見過最高管理層?」我答:「有呀。」最後佢問:「佢哋上市後,係咪第一次盈利倒退?」我答:「唔係呀。」
跟住佢就笑一笑,就話:「聽你講,第一,如果係假廠,一定做足戲,搵啲演員番來扮生產。仲有,係假的話,管理層根本得一樣嘢做,就係湊你哋同啲分析員,唔會見啲唔見啲。𠵱家真係跑緊單、做緊嘢。而如果佢哋試過盈利倒退之後上番,就應該係佢行業特性,放長睇啦!」
其實,珠管06至09年連續增長,跟住2010年盈利跌八成,再11同12年盈利衝番上。仲有,因盈警股價跌咗好多?係。但今年低位(7月)比舊年低位高(7月),高位亦係年尾、年頭。而睇珠管業務及入數做法,18個月內又應盈喜。買股當然最好不停升,但買咗隻過山車,就要上車落車。今年股價較高位跌超過一半,現賣2.17元,反映市場預計有悲劇結果。佢哋禮拜五出業績,如果業績冇預期悲劇咁差,股價將快速反彈一至兩成。年初冇叫大家落車,現只可補鑊,將目標價調至4.4元,重申一注獨贏珠江鋼管!

孫柏文
獨立股評人
http://facebook.com/shuen
本欄逢周二刊出

相戀54年!倪匡向全世界說:「到現在這麼多年,還是這麼深愛太太!」
你都想分享一點甜蜜?立即重溫今周《亂噏24》!
http://bit.ly/appletalk24

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載