› 選擇地區
三藩市
紐約
洛杉磯
其他美國地區
香港 台灣 北美
 
2013年08月27日

女神tea time:中秋賞月可投保 - Fifi

阿里巴巴與Allianz計劃推出「賞月險」,如中秋因天氣問題無得賞月就有得賠,認真有創意。 資料圖片

中秋節就到,月餅廣告空群而出,陳豪、Cool魔月餅海報隨處可見,不過,論最爆嘅,一定係富豪酒店旗下月餅品牌。平面廣告中只見一赤裸上身猛男,兩嚿胸肌六嚿腹肌極為吸睛,但配合佢擘大個口食月餅動作……未免太重口味。
企業要食中秋條水,唔一定只係賣月餅。強國科網王者阿里巴巴聯同Allianz公佈今日推出,史上第一個「賞月險」。只要你投保,如果中秋因天氣問題,你錯失中秋賞月美景,咁就有得賠。
賞月險分兩種package,投保20元(人仔.下同),喺賞月城市(上海、廣州或深圳)中秋賞唔到月,賠50元;另一種係投保99元,賞月城市有41個,賞唔到月賠188元,仲有冰皮月餅同中秋一日意外保送。
抵唔抵真係見仁見智嘞,但賞月險極具創意,夠gimmick。阿里只係花少少錢,就已為淘寶保險做到一次大型宣傳。仲話將來會推出「單身險」、「愛情保鮮險」之類嘅保險。
阿里繼餘額寶後,今次再推震撼性服務,可見公司創意爆棚,相信搵錢潛力一流。假如佢真係喺香港上市,的確一抽無妨。

Fifi
本欄逢周二、四刊出

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載