› 選擇地區
三藩市
紐約
洛杉磯
其他美國地區
香港 台灣 北美
 
2013年08月28日

政府由「解毒」變「畀毒品」

王震宇認為,樓市短期仍有阻力。

【意見分析】
綠表居屋價跌一成,部份癲價入市白表客頓變負資產,地產分析員王震宇批評政府幫人變成害人,形容市民在最需要政府幫助「解毒」時,卻仍給予「毒品」,令部份白表客高位接火棒。
王震宇表示,過去半年,本港樓市升得最癲就是居屋和300萬元以下的細價樓,因為「辣招」令投資力度轉移到細價樓市場。他續稱,「白居二」不應該推出,直指早前入市白表客已接火棒,「樓市見頂嘅時候,卻去幫人哋上車」,他形容情況是:「毒癮已深,想幫佢解毒癮,你(政府)應該畀美沙酮,唔好搞到毒癮咁深。𠵱家你幫『白居二』上車,豈不是喺佢最需要解癮嘅時候,你仲畀毒品佢!」
王震宇認為,樓市短期有阻力,主要是因為美元在未來一段時間會上升,導致香港資產價格有下調的壓力,但對於跌多少,他則無奈道:「唔想估,因為有太多政府嘅政策……當經濟因素分析唔到樓市時,你就無謂去估。以往左右樓市的八成原因是經濟因素,𠵱家八成卻是政治因素。」

相關新聞:居屋采頤喪賣680萬 砌低富榮 實呎逆市高見1.1萬

「𠵱家最不宜入市」

另一名地產分析員張一鳴亦認為,「白居二」政策推動人去買樓,「政府有少少好心做壞事」。他指出:「息口會加、供應會來、美金會升,最重要一個風險因素係——政府唔想樓價升。再者,你睇到地產商一手供應越來越多,新供應又來緊,所有元素都話畀你聽,𠵱家係最不宜入市,入咗市嘅話,幫你唔到。每個人都要為自己嘅決定負責。」

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載