› 選擇地區
三藩市
紐約
洛杉磯
其他美國地區
香港 台灣 北美
 
2013年09月11日

大家樂研24小時營業
搶攻通宵客 抗衡貴舖租

【本報訊】繼吉野家研究進軍「深宵食堂」時段後,大家樂(341)昨亦透露,正研究在部份街舖分店,推行24小時營業,以抗衡高企租金及提升人流。有分析指,香港24小時飲食業「有得做」,但大家樂須調整菜單及價格,以抵銷經營深夜時段所增加的成本。

記者:鄭柏齡 陳健文

相關新聞:翠華靠全天無休 增翻枱率

大家樂首席執行官羅開光昨出席股東會後透露,正研究把部份分店轉為24小時營業,「只要有需求,市場有空間,就肯定會去做」。他補充,集團只有約兩成、位於街舖的快餐店,適合轉型,「如果24小時營業,就可以將租金成本攤薄」。不過,他沒有說明「搶攻通宵客」的落實時間表,亦沒有透露會否藉此調整食品價格。
大家樂年報顯示,過去3年租金支出不斷攀升,由2010年的5.99億元,急增至去年的7.09億元。羅開光指,今年續租舖位中,不少錄得雙位數升幅,只有一間減租,「搵新舖都有困難,要睇客量多少,好多時要去到後兩、三條街開舖」。

須調整菜單 減少選擇

有分析員認為,24小時大家樂「有得做」,但要調整菜單。他說︰「麥當勞點解可以做得掂(24小時),就係因為食物簡單,搵個人嚟將啲餡夾埋入個包就搞掂;大家樂唔同,炒嘢同燒味要專業廚師嚟煮……翠華(1314)又係另一個例子,佢搞得到24小時舖頭,係因為佢哋啲嘢夠貴。」
他續稱︰「大家樂要做24小時,首先就要搞掂個餐單,減少選擇,精簡人手,仲有可能要加價,咁先有機會抵銷做24小時嘅額外燈油火蠟同人工支出……相對下,我就較為睇好吉野家做24小時,因為佢哋餐單較簡單。」據了解,大家樂主要對手大快活(052),暫無意開設24小時營運店舖。

旺區開舖助增加人流

高緯環球香港商舖執行總監胡詠詩認為,若大家樂在自由行旅客較多的旺區開設24小時店舖,有助吸引更多人流,「自由行旅客為咗行耐啲街,都係鍾意快餐,因為夠快同方便」。不過,若在非旺區設24小時營業,則不設實際。她補充,香港零售業增長已持續放緩一段長時間,整體消費仍然疲弱,「人流多唔代表消費力提高」,反而有下跌趨勢。因此,大家樂延長營業時間,恐防未必能改善盈利表現。
另羅開光透露,參考香港「一粥麵」、「Super Sandwiches」等多個品牌策略,正探討在內地開設大家樂品牌以外的食肆。對於短期內會否調高食品售價,他指現時並無加價時間表。

食客心聲

【多啲選擇】
陳小姐:「平時都幫襯開24小時麥當勞,大家樂一個星期食兩三餐;如果開通宵,多啲選擇,我會去試吓。」

【少出夜街】
文先生:「屋企附近有大家樂,開24小時比較方便;但平時好少出夜街,就算開通宵都未必會幫襯。」

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載