› 選擇地區
三藩市
紐約
洛杉磯
其他美國地區
香港 台灣 北美
 
2013年09月19日

樂香園:矛盾大對決 - 海迪

李嘉誠忽然開腔,與他的接班人作風迥異。 資料圖片

長和系主席李嘉誠日前突然「路過」傳媒飯局,如此「巧遇」仲肯坐低詳談,堪稱傳媒史上30年來前所未見。以誠哥多年來慣例,每年一般只會公開發言五次左右:首先當然是每年兩次的業績記者會、然後是一年一度股東會、仲有長和系annual dinner及出席潮州商會活動時,可能又會出來講幾句。
誠哥原本就有鋪定期發表「國情咨文」心癮,全因今年4月一場碼頭工潮,才觸發他突然全面潛水,連8月中期業績記者會都索性取消埋。海迪好奇的是誠哥選擇在現時這個時間「蒲頭」,與8月業績時出來到底有何差別?喺呢個多月期間,百佳依然係未賣出,關於他經營手法的爭議亦沒有甚麼重大進展。海迪有理由相信,誠哥當日唔係想封口,甚至對於長期「有人講無佢講」的情況早已「谷到爆」。中期業績唔出得來,關鍵不在於事,是在於人:可能有人嫌佢「講太多」囉!
去年誠哥自爆分咗身家,到今年和大仔一同去拜祭亡妻,為父嘅欲言又止,做仔嘅耍手擰頭,自此二人矛盾正式浮上水面。
一個「絕對鍾意路過吹水」,另一個「絕對唔鍾意見記者」,處事作風明顯不同,難免在這段交棒過程,產生如此多矛盾情景。
很多事情如勸不聽,想fade out的人很難再加把嘴,只可路過搭訕,為人父之苦心,真令人動容啊!

海迪

熱血青春電影《狂舞派》席捲今夏,柒良同阿花嘅夢想去盡未?
男女主角聯同導演黃修平齊上《亂噏24》,動Live預埋你!
http://bit.ly/appletalk24

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載