豐盛資產管理董事黃國英今年5月搞Talk Show，寸盡行家胡孟青同「大師」，有沈大師之稱嘅股評人沈振盈似乎不甘示弱，將於本周六同另一位股評人羅尚沛合作，喺九展搞番場「串到盡」財經Talk Show，唔知佢又準備寸邊位或者點寸法呢?
沈大師透露，呢個Talk Show唔係講股，題目可能圍繞坊間好多人所講嘅投資理念，舉例，其實好似移動平均線、黃金交差等等已經不合時宜，但係坊間仲有好多人用緊來講股。
佢哋又諗緊，其中一個環節可能係佢同羅尚沛一個扮電台主持，一個扮聽眾，扮做phone-in節目問問題。聽落呢個環節應該會有好多人有共鳴，事關好多散戶鍾意早上買咗隻冧巴股，跌咗兩格，下晝就打電話去呢類電台或電視節目，問股評人點算好，難得佢哋又認真咁回答。
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
