› 選擇地區
三藩市
紐約
洛杉磯
其他美國地區
香港 台灣 北美
 
2013年10月30日

職場慧眼:息事寧人反被咬 - 張慧敏

如今政府不得人心,最難做的工作恐怕就是政府工!

「Son姐,看到你那篇〈應該堅持定寬鬆〉,有感而發,我任職的也是公營機構,為社會提供培訓服務,之前有位人士的申請不合資格,被我拒絕。申請者投訴,上司認同拒絕的決定,維持原判。申請者再投訴,上司的上司為求息事寧人,不理眾人的反對及常規下,自己決定批准申請,申請者如願以償。但故事未完,申請者獲批後,居然再投訴,追究點解當初拒絕申請,是否程序出錯云云!為了息事寧人,用了寬鬆準則,最後被人反咬一口,認真無奈!」

中層員工最難做

唉!今非昔比,如今政府不得人心,潮流又最興拍枱,最難做的工作,恐怕是政府工!不過我講的不是做阿頭做領導的那「一籃子」,低層的可以打着按本子辦事的旗號,反正不用「孭飛」。最慘是夾在中間的一群,上有高層壓下來,下有員工睇你頭,日日食黃連,有苦自己知。正一是豬八戒照鏡,裏外兩面都不是人!我除了寄予無限同情,實在不知有何話可說。
或者講一個在入境處工作、處境比你差得多的朋友遭遇,比下有餘令你寬心多少好嗎?
「臣姐,大部份政府部門為咗不被投訴,夾硬將啱嘅講成唔啱,瞓住覺過關不能容許,偏偏老細話只要對到樣就可以算,我唔肯妥協,一個月內俾人投訴咗三次。我同上級講,𡃁仔可以瞓住過關,點解大人唔得?到時個個瞓晒咁碌過嚟,我哋可以點做?佢哋處於一個唔清醒嘅狀態,背後有無限可能,我問多句,都係保障大眾嘅利益。身為家長,如果自己小朋友唔見咗,會希望把關嘅問多句,定係希望對方問都唔問好?有咁嘅家長自然有咁嘅孩子,臣姐,香港只會變得越來越荒謬,我都心淡了!」

張慧敏
http://www.facebook.com/HKcareerdoctor

鄭中基@谷德昭搞笑孖寶再發功,笑彈繼續嚟!
周一至周五《亂噏24》約定你: http://bit.ly/appletalk24

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2020 AD Internet Limited. All rights reserved. 版權所有 不得轉載