› 選擇地區
三藩市
紐約
洛杉磯
其他美國地區
香港 台灣 北美
 
2013年11月19日

金手指:不問價追中慧 - 孫柏文

上個禮拜中慧升,應該係因為微軟、索尼將會喺呢幾日推出新Xbox One同PS4(圖),GAEMS接單接到手軟,有人春江鴨。

上星期,細價股中慧國際(1143)無端端升咗差唔多一倍,不過市值仲係二億幾。佢手持嘅現金都有成億幾,加埋個殼,應該都值三億八。
當然,佢個神級資產負債表,唔係上個禮拜先知,所以大家會問點解𠵱家先升?尋日我喺本報即時新聞段「PS4好賣有冇股好炒?」搵到答案。
總部喺科學園嘅中慧,年中曾因核心科技業務唔得而發盈警。不過兩年前,中慧入股美國GAEMS公司嘅五成一股份,今年進入收成期。呢間GAEMS就係做一個賣三百幾美元,望落似小型行李箱,打開時一面有個電視畫面,另一面可以裝部Xbox或者PlayStation入去,一插電就可以玩嘅隨身打機箱。

食正新Xbox及PS開售

花旗國雜誌CNET今年為產品評分時話過,呢個箱已經係專業機迷必備,仲話呢個行李箱係畀機迷嘅最佳禮物。上個禮拜中慧升,應該係因為微軟、索尼好快會推出新Xbox One同PS4,GAEMS接單接到手軟,有人春江鴨。
今日就好似年初0.62元叫大家買CEC(759)一樣。當時我建議,有網友話「已經三毫升咗一倍,仲推明燈?」到上周升超目標價一倍,喺1.72元我叫落車時,又有網友幾日後話「兩蚊喇明燈!」今日嘅中慧,就係年初嘅759。
講到呢度,我周顯兄上身。更重要嘅原因:我有個朋友,身家多就無,十幾億左右啦,都係炒股票賺嘅,股壇冇人唔識嘅老炒家。上周同佢食飯時講到中慧,佢話原來幾年前喺0.9元大量入貨,打死冇升一倍都唔賣。
我即刻諗,(一)你都肯買,呢隻肯定有料到。(二)蟹貨喺0.9元,家陣升一倍,升到1.4元,我個朋友都唔會沽啦!咁去睇睇,跟住就入。要買到倍升股,繼759之後就係呢隻,所以孫柏文建議不問價追中慧!

孫柏文
獨立股評人
http://facebook.com/shuen
本欄逢周二刊出

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載