蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年11月21日
馬上成為壹會員

魚樂無窮:阿信屋狂升帶挈四洲 - 唐牛

戴德豐任主席的四洲集團,下星期將會公佈業績,近日已見成交異動,一旦突破3.6元阻力,中線有力坐四望五。 資料圖片

阿信屋母公司CEC國際(759)又搞微型超市又賣化粧品,帶動股價半月狂升逾倍,但其實成效如何仍屬未知數,現價已過度反映利好因素,相反另一隻零食股四洲集團(374),近年頻發盈喜,業績更有保證,一旦惹來資金追捧,升勢肯定不下於CEC國際。
四洲主要從事食品原料供應、食品製造、食品代理銷售及零售、食肆經營等業務,最為人熟識嘅,當然係分店遍佈全港嘅零食物語,無論商場、地鐵站、碼頭、機場,都可以見到佢嘅身影,另外,旗下產品如四洲紫菜、薯片及甘大滋等,亦係大人細路嘅至愛。集團同時喺中港經營日式餐廳、日式快餐店、迴轉壽司、素食高級食府及中式園林酒家等,儼如半隻餐飲股。四洲早前發盈喜,由於採購及生產成本控制得宜,加上受惠日圓貶值,預計中期盈利將大升。假設盈利增長一倍,再以年度化計算,現價市盈率不足8倍,比起餐飲股平均逾20倍估值,絕對係平通街之選。再秤身家,四洲現價PB僅1.1倍,較CEC國際嘅2.9倍,大幅折讓62%,誰平誰貴一目了然。
四洲另一個賣點就係年年有息派,財務狀況一流,下星期將會公佈業績,近日已見成交異動,一旦突破3.6元阻力,中線坐四望五,值博率極高。

唐牛

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載