› 選擇地區
三藩市
紐約
洛杉磯
其他美國地區
香港 台灣 北美
 
2013年11月21日

中門大開:本末倒置 - 添馬男

羅康瑞的商業城大計表面言之成理,但諗真當然要搞掂第三條跑道先再諗啦。

機管局爆發內訌,主席張建東火併梁粉新貴羅康瑞,本來官場早傳羅康瑞會今年接任機管局主席,但政府最終決定要張建東做多一年,當時理由係因為行政總裁許漢忠又走,一次換兩個領導層,怕會出亂子。
實情叫張建東留多一年,係因為要確保第三條跑道工程順利上馬,不容有失。梁振英金主羅康瑞提出發展機場北地區做商業城,聲稱可帶來幾十億元利益,但更改規劃就令新跑道工程延誤,兩人因此而起衝突。

公職人士應有規有矩

梁營人馬上位,人人磨拳擦掌,表面要幹一番大事業,揚名立萬,實際係empire building,建立自己政治資本,分派政策利益兼收𡃁,如此一來梁政府才有影響力。問題係機場第三條跑道才是命脈,不容有失。大家心知𠵱家政府危危乎,小事化大,大事變危機,過去幾年機管局低調進行public engagement,順利擺平環保團體,唔似梁營作風,一味大鑼大鼓,慌死冇人知。羅康瑞商業城大計表面言之成理,但回心一諗,當然要搞掂第三條跑道先至再諗商業城大計。當赤鱲角機場失去空中樞紐核心競爭力時,搞個商業城都冇效益,機場核心業務係交通,提供運輸基建乃AA首要責任,不應以搞商場為優先,就算機場變身赤鱲角新天地,或大量世界級Outlet進駐又如何?
羅康瑞想接任不果,張建東又阻頭阻勢,雙方火併乃預料之中,講到尾香港主流商界及傳媒信邊個?信羅康瑞商業城大計?才不會。
港英年代培育之公職人士,至少在利益層面,會做得有規有矩,而且同政府官員關係好,有商有量。張建東話唔得,不惜火併反對,就一定有合理原因,呢啲叫做政治信任,梁粉們再玩多十年都唔會明白,只有不斷諉過傳媒,認為傳媒惡意針對。
「有規有矩」先至係公職人士積累公信力嘅來源。香港唔需要IQ爆棚,唔需要商業頭腦過人,更唔需要有世界級創意嘅機管局董事、未來主席,香港人今日要求好低,只希望涉及龐大利益之法定機構領導,處事有規有矩。香港政體欠民主監察,所謂行政主導權威,來自殖民地後期build in的內部監察,官僚程序與理性決策過程。冇民主連規矩都冇埋,可以預見香港會變成點!上至特首、司局長,下至法定機構領導,人人可以自把自為,程序又監察唔到,你話幾得人驚!

添馬男

足本收睇《亂噏24》x楊千嬅;影帝張家輝接力上陣!
周一至周五《亂噏24》約定你: http://bit.ly/appletalk24

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載