蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年11月21日
馬上成為壹會員

中環在線:IT教父賣紅酒
聯想控股智利揀酒莊 - 李華華

柳總相信內地好多人願意花多點錢去買有品牌嘅食品。 資料圖片

近年內地人飲紅酒飲得爽,市場潛力龐大,吸引內地第一代IT教父柳傳志都決定搞埋紅酒生意,旗下聯想控股計劃去智利買酒莊,實行大搞。
聯想控股旗下有多瓣生意,除咗賣電腦、手機嘅聯想集團(992),仲有五大旗艦企業,包括神州數碼(861)、搞地產嘅融科置地,搞投資嘅君聯資本同弘毅投資,仲有搞農業嘅佳沃集團。
佳沃近期人氣最盛,多次獲得柳總站台打氣,繼上星期推出旗艦水果產品「佳沃金艷果」獼猴桃後,佳沃本周就話要進軍紅酒業。

柳總有心拓農業

柳總相當有心經營農業,其中一個原因係內地太多黑心食品,佢相信內地會有相當大部份人為咗食到令人安心嘅食物,肯花多一點錢去買有品牌嘅食品,佳沃就係有能力打造一個令人食得放心嘅品牌。
以生產紅酒為例,佳沃計劃喺智利買酒莊,提供葡萄、中國銷售渠道、品牌支持,生產紅酒呢一環就交由法國同埋智利嘅合作夥伴負責,令產品質素有保證。
佳沃總裁陳紹鵬介紹,佳沃𠵱家已經喺智利種緊藍莓,佢話喺智利買地,一畝先至三千幾人仔,比內地平得多,土地質量又高,而且仲係永久擁有,性價比實在高。
更重要係,中國氣候同智利剛剛相反,中國冬天冇乜生果時,智利剛好係生果收成旺季,投資智利絕對係戰略上嘅一步好棋。不過呢類投資唔係人人都做得到,正如柳總所講,農業係「聯想應該做的生意」,因為回報慢,一個民企要大到有一定噸位,先有力做得到咁話。

李華華
mailto:LiWaWa@AppleDaily.com

足本收睇《亂噏24》x楊千嬅;影帝張家輝接力上陣!
周一至周五《亂噏24》約定你: http://bit.ly/appletalk24

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載