› 選擇地區
三藩市
紐約
洛杉磯
其他美國地區
香港 台灣 北美
 
2013年11月21日

職場慧眼:點只跑馬咁簡單 - 張慧敏

同老闆入馬場,輸贏事小,捧場才是重點。

有幸應客戶邀入場睇跑馬,同場客戶有兩隻馬出賽,我和同事們一起落注,小賭怡情兩隻馬各買100大元獨贏。
站在身後的姐仔大惑不解,頭馬只能有一隻,問我點解咁買,我只笑不語。結果?我有幸叨光拉了人生第一次頭馬,獨贏派彩1,400多元,經已全數捐出去做善事,普天同慶,正!
過後我問在場女徒弟,可知為何我明知輸硬一半注碼都要咁買?她答捧場,算是答對一半!做陪客要知分寸,輸贏事小,捧場才是重點,莫講有機會,即使大冷,明知輸硬我都一樣買。不過話說回來,要是客戶覺得肯定陪跑冇機會,又會不會如此興奮雀躍誠邀我們入場?生意人最講意頭,唔畀雙頭馬平頭冠軍?雖然大家都知機會微乎其微,當買個彩頭都一樣開心。
想起來當日《爽報》那個投資比賽,老總張劍虹揸壹傳媒(282)被戲稱為「忠義倉」,雖然未經老總證實,不過我沙膽估計當中道理和我落注原理應該相近。結果他最後勝出,點到你唔服?
又令我記起對上一次入馬場,當然又是捧客戶場,練馬師話贏梗請他入場拉頭馬,客戶當然滿心歡喜。這種場合跟得老闆來的,肯定不是高層就是老闆睇得起的寵兒,有位才俊在場中走來走去四圍問人攞貼士,邊隻馬機會高。我看不順眼心中咕嘀,實在不識大體。結果客戶隻馬跑到無影無蹤,與此同時聽見才俊高聲大叫「中咗!中咗!」口沫橫飛說他有多醒、眼光有幾獨到,一睇就知老闆隻馬唔掂,一毫子都冇買,一Q返嚟好好分。有幾好分我唔知,只知我個客即是他老闆塊面燶晒不發一言,當時場面說不出有多尷尬。
這位才俊,究竟是贏還是輸?

張慧敏
http://www.facebook.com/HKcareerdoctor

足本收睇《亂噏24》x楊千嬅;影帝張家輝接力上陣!
周一至周五《亂噏24》約定你: http://bit.ly/appletalk24

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載