› 選擇地區
三藩市
紐約
洛杉磯
其他美國地區
香港 台灣 北美
 
2014年01月02日

報告王:尋寶靠睇大行怎合奏 - 瑪姬兒

一些獲得各大行「大合奏」唱好的股份通常都有潛力慢慢累升,散戶毋須怕高追坐艇。

今日係2014年港股第一個交易日,預祝大市「紅盤高開」,全年越升越有,大家繼續賺大錢。
不過,今次都係瑪姬兒嘅「告別作」,多謝咁多位讀者過去一年嘅支持,更多謝本欄另一位欄主高明,每當我病咗或者放假,佢都會仗義出手頂更,感激不盡!
猶記得啱啱開始寫報告王時,都覺得好頭痛。老實講,每日都有咁多大行報告,有啲報告的確可以推高股價,但升咗先叫人入貨,好容易累大家摸頂;有時想推介有潛力炒番轉的股仔,但呢啲股通常都無大行寫報告,又好似唔太啱報告王寫。

適合保守散戶

況且,相信好多炒友都深深明白一個道理,有啲名牌大行落力唱好某隻股,有可能只係想推高股價散貨。所以,大行報告只係用嚟參考。
點樣先可以喺咁多報告入面尋寶,瑪姬兒有個小小心得分享:不妨留意下,一些獲得各大行「大合奏」唱好嘅股份,通常都有潛力慢慢累升,毋須怕高追坐艇,啱晒承受風險冇咁高嘅散戶。
不過,有一點各位絕對要小心,「大合奏」嘅主要條件係,各大行要在「分別在一段時間入面」出報告唱好,而非在「一兩日內聯手唱好」嗰一種,後者通常只會刺激股價放煙花,之後好快就會跌番落嚟,跟炒嘅話就好大機會中招。
至於炒友可以喺邊度尋寶?建議密切留意本報其他欄主分享,命中率隨時高過晒大行!

瑪姬兒

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載