› 選擇地區
三藩市
紐約
洛杉磯
其他美國地區
香港 台灣 北美
 
2014年01月07日

分拆港燈電能小股東鬧爆
抱怨影響收息養老 不滿變相供股

【本報訊】電能實業(006)分拆港燈套現最多700億元計劃,昨在大股東長建(1038)投贊成票護航下,獲超過99%股東通過。然而交易未得小股東歡心,多名老股東不滿視為收息養老的計劃「走樣」,並形容股東要掏荷包認購港燈新股,變相等如供股。
記者:孔雪茵 鄧偉忠 林幗欣

相關新聞:股價弱 霍建寧死撐

電能昨日只表決分拆一項議案,但由於有超過20名股東發言,加上進行英語翻譯,故進行逾一個半小時才散會。現場接近800名股東多為白髮斑斑的長者,並沒有呆坐等會後招呼股東的飯局,而是踴躍舉手向電能主席霍建寧發問。

「點解要賣走港燈?」

股東質疑得最多,就是分拆港燈後,股東不再享有穩定的股息收入,亦違背買入的原意。霍建寧嘗試說服小股東,分拆後電能套現600億至700億元,用來海外併購,同時又繼續持有30至50%港燈股份,是「有着數」兼「幾爽」。
然而有心水清股東不領情,即場反問:「港燈本來係我哋,𠵱家拆走後要我哋攞錢去供(即認購新股)。咁你唔分拆海外業務,點解要賣走港燈?」霍建寧指股東不一定要供,因分拆後電能仍持有港燈,「對新公司有興趣,我哋亦安排10%優先認購」。
股東梁先生在會上建議,電能應向現有股東派發港燈股票,「讓港燈股東自己決定保留或持有,有少少尊嚴去行使選擇。好多股民食息養老,你哋幾位都係老人家吖,幫下我哋,好唔好?」說完台下一片掌聲。及後梁先生再建議,電能應在分拆後,向股東派特別股息,霍未直接回應,只答如果1至2年後未有合適投資項目,「應該派返畀股東,呢個係想法之內」。

相關新聞:分拆做法衰過電盈

分拆上市議案獲通過

會議初段表現雀躍的霍建寧,面對股東連珠發炮,後期亦有點招架不住,惟全程保持笑容逐一回應。他多次以管理層如何看好這宗分拆,賣花讚花香時,有股民還擊:「霍生你不同(股東),你收人工做主席,我唔係姓李,但都係你老闆。」
在電能大股東,持股38.87%的長建投贊成票下,分拆議案以99.73%大比數通過。反對百分比雖只有0.267%,但以昨收市價計,市值約2.16億元,以散戶持股來看,金額亦算不少。
通過這關後,港燈開始進行路演,預計1月16日開始招股,1月29日掛牌,市值預測480億至634億元。以估值上限計,電能套現介乎317億至440億元。港燈要在上市第5日向電能償還約275億元債務,電能獲合共715億元回籠。

【霍建寧金句】

‧大fund轉倉,有人準備買港燈。股價多年都perform到(有表現),做管理層咁多年好開心
‧(分拆後)最終都係股東着數。公司收600至700億,股東2013及2014年收息同2012年一樣,繼續持有30至50%港燈,幾爽
‧若坐住資金1至2年都冇投資,應該畀返股東

【小股東金句】

‧向電能股東分派港燈股份,等大家有少少尊嚴行使選擇,食息養老。而你哋幾位都係老人家吖,幫下我哋,好唔好?
‧𠵱家我攞錢認購港燈,其實係要我去供股,我唔畀錢認購,就冇咗收港燈利息
‧霍生,你唔同我哋,你收人工,我唔係姓李,但都係你老闆

【電能小股東怨言多】

梁先生:「好多長者當日買港燈(現為電能實業)都係想收息,臨老過得世,霍建寧就話可以攞返700億,其實嗰啲錢只係擺喺電能,畀李生(李嘉誠)個大仔繼續玩。」

周小姐:「揸咗電能超過10年,佢一啲啲咁拆上市,分薄我哋嘅權益,𠵱家股價都跌咗啦,我一定反對計劃。港燈真係上市嘅話,都睇吓Market先決定認唔認購。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載