› 選擇地區
三藩市
紐約
洛杉磯
其他美國地區
香港 台灣 北美
 
2014年01月07日

中門大開:愉園的政治隱喻 - 添馬男

愉園作為一間老牌愛國球會,今日淪為涉假造波球隊,令人心噏。

老廉戲劇性地在青衣球場,帶走愉園球員、外援、技術總監協助調查假波,係繼屯門假波事件後,另一宗本地造波案。當我睇到涉案乃老牌球會愉園時,真係好心噏。七十年代香港足球乃香港人政治身份寄託,國共內戰結束,但在港暗戰持續。
足球乃霍英東協助中共在港統戰的工具,愉園、東昇背後均獲霍英東支持,佢一手成立東昇,喻意為東方紅太陽昇,又出任愉園主席,其後再晉身足總主席。
與左派東昇及愉園對壘者,乃親台球會東方及南華,每逢南華對愉園,球場內飛沙劈石,場邊球迷則口水花四濺。
1974年霍英東從敵對球會南華挖走亞洲鋼門仇志強,高薪加盟東昇,當時比雲佩斯加盟宿敵曼聯更為哄動。及後本土勢力崛起,出現專業化職業化之精工、寶路華,引入高質外援,此乃香港足球黃金時代。
霍英東走後,霍家也不再支持愉園,令愉園一度降班。今日究竟何方勢力在營運愉園呢?相信模式同屯門極之相似,就係將營運外判。
現任愉園主席貝鈞奇公開承認,不排除事件涉及打假波。貝鈞奇在電視訪問中表示,愉園體育會今季將足球隊外判予香港科化足球公司,由總監鄺曉明營運,並找來兩間主要贊助商CANSHOW和內地體育服裝品牌銳克,班費550萬元。但是到了12月,首筆350萬元的班費已經用畢,贊助商一直沒有拿出餘下的200萬元贊助費,鄺曉明亦在同月請辭。

強國除了錢 還有甚麼?

屯門外判予內地青島公司,愉園又判予內地關係公司,而此等公司引入內地球員,涉及造波案,足總闊佬懶理,香港足球之淪落,已非水平低落咁簡單,而係借殼造波,一場波百幾人睇唔緊要,因為利益來自賭波。
一間老牌愛國球會,由本地傳統愛國人士支持,曾幾何時成為一隊有擁躉之球隊,60年招牌,今日變成涉假造波。撫今追昔,究竟係香港足球淪落,定係愛國勢力之淪落。
老霍愛國,盡心盡力,在香港幫中共爭取人心,係親力親為,豈是今日一幫愛字頭小丑式人物可比。
國家強大,卻連一間老牌愛國球會也支撐不了,淪為造波球隊,強國崛起,除了有錢,還有甚麼?

添馬男

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載