› 選擇地區
三藩市
紐約
洛杉磯
其他美國地區
香港 台灣 北美
 
2014年01月08日

魚樂無窮:信義光能擁三大優勢 - 唐牛

信義光能目標價睇2.1元,潛在升幅26%。圖為信義光能主席李賢義。 資料圖片

港股車輪戰格局未變,噚日輪到濠賭股發威,大摩、花旗、美林齊齊上調濠賭股目標價,美林更預計賭收未來五年可翻一番,聽落好似好誇張,但回想銀娛(027)舊年由30蚊起步,一年間爆升1.5倍,又有邊個諗到呢?面對牛氣衝天嘅板塊,少啲想像力,都好容易蝕章!

近期同樣強勢嘅仲有環保股,由信義玻璃(868)分拆出嚟嘅信義光能(968),上市一個月炒不停,近期處調整期,若資金重投懷抱,肯定又係火箭式上升,加上集三大優勢於一身,現水平收集值博率極高。
優勢一︰食正環保概念。信義光能主要產銷太陽能玻璃產品,包括超白光伏原片玻璃及超白光伏加工玻璃,目前經營四條超白光伏原片玻璃生產線,最大設計日產能達2,000噸,實力毋容置疑。優勢二︰有盈喜護身。受惠產品漲價,加上需求持續增長,預計去年盈利按年將大幅增加,前景可睇高一線。優勢三︰大行唱好。摩通發表報告指信義光能屬行業龍頭,料項目陸續公佈,將成股價上升催化劑,目標價2.1元,潛在升幅26%。
講開環保股,今日喺創業板掛牌嘅鴻偉控股(8191),主要產銷由樹枝及木碎等製成嘅刨花板,環保含量極高,2012年盈利增逾兩倍,且市值僅3億銀,長短皆宜,值得留意。

唐牛

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載