› 選擇地區
三藩市
紐約
洛杉磯
其他美國地區
香港 台灣 北美
 
2014年01月21日

樂香園:誤導的財經用詞 - 海迪

上網買嘢送貨去你屋企那間順豐速運,又係叫「物流」 ,究竟「物流」之詞是否濫用? 資料圖片

投資者炒一轉,唔需要太多理由,好似舊年只要祭出「科網」兩個字,無厘頭都可以爆升。海迪最近和一名分析員朋友講起呢個情況,佢就提出三個近年財經界最常誤用嘅字眼,海迪覺得都幾有意思。
第一個用詞係「物流」。你由A倉拖隻貨櫃去B倉,叫「物流」;上網買嘢送貨去你屋企那間順豐,又係叫「物流」,但兩盤生意的經營方法和前景,可以好唔同。據講有做開採購或貿易生意嘅公司,最近都想改稱自己係「搞物流」,好似換個名號,前途就突然會一片光明。
第二個經常被誤用嘅係「二、三線城市」。原本這只係內地粗略將城市分類的一套講法,但大家似乎就認定這對城市消費力的分級:二、三線?咁即係窮啲啦!其實,而家已經有大量二線城市,消費力同一線睇齊,甚至勁過一線。
最後一詞係「品牌」。LV、可樂每年億億聲咁掟廣告,就稱得上品牌。但在內地,模仿別人設計、改個英文名然後開舖,又可以叫品牌,再來上市向你抽水。這些似是而非的概念,大家在炒一轉時亦應當留意。

海迪

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載