蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年01月29日

無後悔遲發展地產

李嘉誠(圖)會相約呂志和一齊打高爾夫球。

【堅持穩陣】
與呂志和同期出道的「80後」本港富豪:長和系李嘉誠、新世界(017)鄭裕彤、恒基地產(012)李兆基,都是靠做地產致富。60年代呂志和站在地產發展與建築材料的分岔路,最後選上後者,錯失香港地產黃金年代。「我唔係regret(抱憾),我心高興,認為咁樣處理得啱嘅」。

相關新聞:未言退休 最怕無所事事

「若力有不逮 會鯁死你」

回想50年前錯過發展地產,呂志和淡淡然:「30幾年前我檔生意都夠使用,仲諗乜嘢?就算以後有好多機會,睇落可以賺更多錢,有時未必好,因為力有不逮時,就會鯁死你!」呂志和堅持做生意要穩陣,會考慮一旦輸錢時能否抵受,曾有幾間銀行家問他,為何幾次金融風暴,嘉華(173)都冇事,「我話條數喺你哋度,你睇到㗎,我真係欠你哋水,一定落雨收遮,你唔收,證明我都捱得住」。
80年代初,嘉華投得尖東地皮,發展旗下首間酒店。滙豐見嘉華成本比同業低30%,經營一年便有可觀收入,向他建議接收其他酒店,據呂志和形容如果成事,「香港好多嘢都係我」,但當時婉拒。「我啲仔女又未返,職員資格又未夠,夾硬承受呢,可能真係好心做壞事,自己就蝕底」。
呂志和做生意態度審慎,對生意上的朋友,亦抱「退一步海闊天空」心態。面對所謂「敵人」,「見到面一樣點頭、握手、問候。你點樣對我係第二回事囉,(那人)離開後會諗,呢個朋友都唔錯呀」!
他認為仇恨是出於自己的心態,被人打一巴,心就要打番人兩巴,「點解唔行開先,問番自己點解佢要打我一巴?有機會就問,冇機會,一樣可以握手,請番佢飲茶」。他指做人不要太記仇,「記仇記咁多,好多嘢都唔開心,係咪呀」?

與李嘉誠是高球波友

70年代呂志和曾在股市上吃記悶棍,他將石礦生意「大亞石業」上市,及後與英資安達臣石礦合併。之後安達臣一名股東狂沽公司股份,質低股價。呂引入和黃(013)做股東,但和黃悄悄收集股份,取得公司話事權。據傳呂志和曾大罵當時和黃主席韋利,最後只能以低價出售手頭股份。
1979年李嘉誠購入和黃,私有化安達臣大亞,與呂志和成為行家,兩人一直是高爾夫球場波友,至今仍經常一同打波。

相關新聞:戴「賊仔帽」 保健康免感冒

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載