蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年03月31日
馬上成為壹會員

中環在線:互聯網思維賣小米
雷軍心中冇價格戰 - 李華華

雷軍用互聯網模式「一上來就免費」賣小米。 互聯網

有「中國蘋果」之稱嘅小米一向以平價殺出血路,小米老闆雷軍噚日自爆,以「互聯網思維」經營呢盤生意,「互聯網從不打價格戰,因為他們一上來就免費」,因此,小米冇諗過打價格戰,一開始就以成本價賣產品。
小米越來越受市場歡迎,本港唔少電訊商都爭住跟小米合作推出手機。雷軍今年初應邀參加總理李克強主持嘅座談會,更被對方笑指「小米成了大米」,可見小米幾咁有人氣。

相關新聞:中環在線:阿里唔嚟香港 李小加照撐

明年冀賣1億部小米

雷軍噚日喺深圳出席一個研討會就透露,今年首季銷售額較去年同期增長1.5倍,如果全年保持呢個增幅,今年有機會做到800億元(人民幣.下同)嘅生意,若增幅持續,明年生意甚至係過千億元。
雷軍之前講過,今年至少出4,000萬部手機,原來首季已經出貨1,100萬部,照情況,全年有機會做到5,000萬至6,000萬部,明年目標係1億部。
佢認為,公司成立4年有呢個成績,最重要係以互聯網思維去做手機呢盤生意。
講到互聯網發展,佢算係首批受害者,因佢1988年創辦金山軟件,互聯網最先就係砌底軟件行業。佢之後苦思死因,發現互聯網係思考模式嘅改變。
互聯網公司最緊要講口碑,於是,小米喺頭一年半極低調,唔賣廣告。雷軍憶述,小米最初發佈手機,有同事拎咗一個價值3,500萬元嘅廣告預算畀佢睇,佢拎起就撕爛了,反問能否一分錢不花,單靠口碑就將小米拓展開去。
既然用互聯網思維,咁根本就冇打價格戰嘅概念,因為互聯網一上來就免費,所以小米手機一直以平價招徠,又慣性以限量限時網售製造「秒殺」現象。

李華華
mailto:LiWaWa@AppleDaily.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載