› 選擇地區
三藩市
紐約
洛杉磯
其他美國地區
香港 台灣 北美
 
2014年03月31日

魚樂無窮:海螺水泥具自貿概念 - 唐牛

受惠城鎮化政策,近月水泥價格穩步上揚。

總結三月,相信唔少戰友嘅心情都係有如坐過山車,月初騰訊(700)帶領科網股創新高,阿里巴巴斥62億入股文化中國(1060),復牌當日一度升四倍,如果當日有人同你講,科網股會爆煲喇,快啲走貨,相信一定引來眾人恥笑。
究竟今次係概念爆破定係另一個大震倉,真係要事後先知,但無可否認,資金已悄悄換馬,擁抱舊經濟股。
上周創新高的股份遠比創新低的少,證明市況仍然麻麻,不過學曹Sir話齋,「炒股唔炒市」,最緊要仲係捉到市場炒緊乜,過去一周唐牛已開始推介舊經濟股份,繼績佳的潤泥(1313)之後,今日要介紹另一隻強勢水泥股,安徽海螺水泥(914)。
海螺水泥上周公佈業績,純利勁升48%,單以下半年計已賺63億元,是上市以來最強勁的半年純利。

將踏入水泥業傳統旺季

受惠於城鎮化政策,淘汰落後產能,水泥價格穩步上揚,睇嚟呢個情況會在2014年持續,加上第二季係水泥行業的傳統旺季,唔排除屆時會再發盈喜。
上周更有國內報道指,安徽申請自貿區已上報國務院,如此多咗一個自貿區概念,就更有火氣了,睇埋圖表就更加買得放心,三月份累積升了兩成,大幅跑贏大市,上周五更創新高,成交急增至10億元,確認咗升穿雙底頸線,量度升幅可見38元,如果自貿區的消息有資金跟進,突破歷史高位41元絕對不是夢。

唐 牛

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載