› 選擇地區
三藩市
紐約
洛杉磯
其他美國地區
香港 台灣 北美
 
2014年04月08日

中環在線:
談美聯兵變 黃建業吟詩喊冤 - 李華華

黃建業(右)噚日同個女黃靜怡出席記招,堅持美聯唔係家族式經營。 朱永倫攝

美聯(1200)兵變越演越烈,前高層力數美聯管理模式不善,集團主席黃建業噚日竟然喊冤,大嘆「我太屈委」,堅稱美聯唔係家族式經營。被問到感受,佢一邊解衫鈕,一邊吟李白《下江陵》最尾兩句「兩岸猿聲啼不絕,輕舟已過萬重山」,話只能用呢兩句形容。
黃建業話,美聯董事局由11人組成,姓黃又有血緣關係嘅得三位:「好多大公司都有老竇同仔啦!」佢強調,美聯絕冇家族色彩,所有商業行為都遵守上市條例規定,真金不怕洪爐火,經得起任何考驗,毋懼查數。至於會否繼續增持,佢話:「我就好鍾意我間公司,就如熱愛我身體一樣。幾時增持?你睇到就睇到。」
美聯第二大股東Apex策略顧問、美聯創辦人之一馮銳森就回應話:「係咪家族式管理有目共睹,公道自在人心。」

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載