蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年06月20日

大棋局:A股勿睇得太淡 - Mr. Tregunter

搞旺A股喺中央計劃之內,因此A股不宜睇得太淡。 路透社

對散戶嚟講,股市係用嚟炒上落;對莊家嚟講,股市仲有一個功能,就係借錢。中國點解咁想引入外國勢力,要A股納入MSCI?事關中國股市由2007年開始被玩謝,成個場只為坑殺股民同圈錢,過咗咁多年內地股民仍然每日媽媽聲。「中國轉捩點(二)」提過中國要谷M2,唯有將融資集中喺銀行借貸,其中一個原因就係股市個場被玩謝,呢條融資渠道斷纜,所以有能力嘅公司都嚟香港買殼搞隻H股。但齋靠銀行借貸谷M2人民幣遲早變陰司紙,所以搞旺A股個場係必然嘅一步棋,搞註冊制亦為執靚佢,因此A股不宜睇得太淡。
另一步棋係放寬控股權。熟悉近代中國史嘅應知內地字面上國家資源公有制。公有制兩大弊端,一為效率,二為賺錢自己袋蝕錢國家揹。中央又唔敢完全市場化,所以放控股權,自己繼續揸莊。中國經濟放緩,放控股權整頓國企,就係釋放生產力,所以中國唔易爆煲。現時太多制度關節位壓抑生產效率,每次經濟危機只係逼共產黨進一步市場化。今次A股唔能夠納入MSCI,只係未講掂數。要大行和基金接貨,當然要俾人賺。問題唔係指數高低,癥結只在資本賬一事上。

Mr. Tregunter
本欄逢周五刊

出註:作者為《地利根德閣》blogger,著作有《樓市撈底攻略》

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載