蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年07月07日

康樂大廈:金融乜太 - 何淑茵

梁唐青儀(圖)怒罵蔡子強,配合螳螂拳的「括號」手勢,完美示範如何將PR stunt迅速變PR crisis。

香港First Lady梁唐青儀女士怒罵蔡子強,說到憤怒時雙眉彎如鐮刀,配合螳螂拳的「括號」手勢,完美示範如何將PR stunt迅速變PR crisis。大家群攻特首夫人的外貌、語氣、造手,有朋友在社交網站留低一句「女人生咗幾件,到呢個年紀未死得住,可以有幾好樣?」
特首夫人這種嘴臉其實有幾稀奇先?香港專盛產「乜太」,特點是:醜、聲大、倀雞、有錢。金融界都充斥為數不少的「乜太」,如特首夫人一樣巴巴閉閉、招搖過市。咪以為她們叫得做「乜太」就要靠老公,事實上很多乜太自己本事,老公亦只不過是她們的佈景板。
以乜太A做例,眾所周知她與丈夫在金融界長袖善舞,經常恩愛地出席不同場合。乜太A娘家猛料,老公雖然在公司的title比太太高,但全宇宙都知乜太A才是person-in-charge。公司員工成日睇住乜生在公司被乜太怒抦。據聞一次乜太A在外來訪客前鬧老公,怒問:「信唔信我𠵱家喺呢度(中環某甲級寫字樓)掟你落街。」老公笑向在場訪客打圓場:「乜太講笑啫。」但訪客就唔敢笑囉,驚自己都會被掟埋落街。
寄語特首夫人:既然型格適合走打女路線,就不要在鏡頭下扮哭,要強就強到天腳底。還有換走你的化妝師,眼線不是這樣畫,頭髮蓄短更適合你。

何淑茵
mailto:noelsyho@gmail.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載