› 選擇地區
三藩市
紐約
洛杉磯
其他美國地區
香港 台灣 北美
 
2014年07月14日

睇吓鮮:華爾街的吸血鬼 - C+B

高盛前自營交易員曼迪斯,出書探討舊東家有冇為咗搵錢不擇手段。 路透社

「有食唔食,罪大惡極。」呢句說話套用喺商業社會中將變成「商家做生意唔賺錢,係不道德的。」你可以唔認同,但唔可以阻住商家繼續搵錢。
高盛前自營交易員曼迪斯(Steven Mandis),離職後喺2013年出書《What Happened to Goldman Sachs》,探討舊東家有冇為咗搵錢,放棄原則同公司價值。譬如高盛過去一向拒絕建議買方惡意併購,咁做都係啲客仔會更信任高盛。但係書中講到,90年代尾高盛政策已經偏離自己一直堅持嘅價值同原則,目的為提升企業併購市場嘅市佔率。
曼迪斯本書或多或少刮花咗高盛嗰金漆招牌,但最反高潮嘅係曼迪斯「有口講高盛,冇口話自己」。兩年前佢搞中小企貸款公司,利息高達100厘,即係轉做華爾街吸血鬼。
曼迪斯坦承地接受彭博訪問,佢話公司係集中解決大問題,而小企業就係核心,又話:「我哋有責任盡自己能力解決美國難題……而為有需要嘅商戶提供資本,幫佢哋創造新職位,我認為係一件好事……唔通真係睇住間公司執笠?」其實曼迪斯並非華爾街唯一一隻吸血王,即使中小企借貸風險高,因為啲錢隨時一借冇回頭,但仍有投資者入局,包括老虎環球基金管理人Chase Coleman同社交網站facebook天使投資者Accel等,平均借貸利息高見124厘。

C+B
本欄逢周一刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載