› 選擇地區
三藩市
紐約
洛杉磯
其他美國地區
香港 台灣 北美
 
2014年07月17日

Prof J財技特訓班:創富各師各法 - 徐燦傑

今時今日,冇靚西裝、冇靚錶、冇靚車,你撈唔掂,有鬼人會信你。

股榮上星期寫咗一篇意簡言精嘅文章,將一個平凡嘅靚姐同美女股神嘅理財智慧做咗一個比較,我決定用喺下星期嘅保險公司講座度!好多人問點樣先可以創富理財,其實從來都冇捷徑。靚姐教我哋一切從節儉開始,Prof J近年都減少咗用信用卡,而用現金畀錢,既可以控制支出,又可以量入為出。

最緊要認清自己位置

以前嘅年代,其實嗰班老友記真係好犀利,Prof J有六兄弟姊妹,得我老豆一個人頂住成頭家,老豆係中醫,當年中醫真係冇而家咁值錢,我阿媽專心照顧屋企,細個唔識問,大個更加唔敢問,雖然見到而家嘅我算係香港嘅中產一族,但係好似做極都唔夠,真係好佩服上一輩嗰種堅毅不屈嘅精神!
再對比美女股神,我又明白我哋呢行嘅遊戲規則,正所謂輸人唔輸陣,有個老闆同Prof J講,要做到着靚西裝、帶靚錶、揸靚車等等,你撈唔掂,有鬼人會信你咩。所以諗住平時慳啲,倒不如搵多啲,迫自己去搵錢。
正如周大師講過,係世界迫佢走上全職炒股之路,好多嘢係冇對錯,不過兩位阿姐分享咗兩個唔同嘅理財方法,首先,靚姐用烏龜三原則嘅方法一步一步創造財富,美女股神則以打造品牌,創造溢價同收益,簡單講句,唔同人有唔同嘅戰略方法,最緊要係知道自己喺乜嘢位,係唔係?
巨濤海洋石油(3303)又俾Prof J嘅蜻蜓投資法做住,四度空間完全配合,2014上市推股,ok多,偶有失手,全力改善Prof J交易系統,再出發!
另外,中國9號健康(419)亦都係Prof J嘅心水股,2013年度業務重整改善,盈利有顯著增長。可換股債券及承兌滙票產生嘅融資費用大幅減少,同埋投資證券嘅公平值收益大幅增加,加上今年度錄得出售已終止業務溢利約1,100萬元,睇返佢呢個方向,有望繼續上升,繼續追蹤。

徐燦傑
齊魯國際控股首席策略總監
本欄逢周四刊出

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載