› 選擇地區
三藩市
紐約
洛杉磯
其他美國地區
香港 台灣 北美
 
2014年07月17日

魚樂無窮:時捷展開新一輪攻勢 - 唐牛

手機設備經銷商時捷,昨日成交創五個月新高,筆者認為新一輪攻勢應該來了。

聯儲局主席耶倫一係唔講股市,一講就成盤冷水照頭淋,直指社交媒體、生物科技及細價股估值太高,金口一開,facebook首當其衝,即市一度挫逾2%。睇見耶倫講股,不禁想起財爺曾俊華若干年前講樓,頻頻叫市民買樓要小心行事、量力而為,結果樓價點樣?大家有眼睇。

成交創五個月高

林鄭月娥硬銷政改報告,咬文嚼字,大談「主流意見」即係大致有一半以上人支持,「普遍」代表最有共識,情況有如小學老師教「always係經常,often係時常」,同樣令人聽到一頭霧水。唔好以為政改唔關你事,689嚟一招霸王硬上弓,出賣香港人,他朝上市公司可以照辦煮碗,全部閉門造車,將股民利益置之不理。
講返個市,殼股俊和(711)破旗爆升17%,豪特保健(6880)同e-Kong(524)沉寂一輪,有望翻叮,可密切留意。小米強勢進軍印度,聯合創辦人林斌更揚言,印度係中國以外最重要市場,在港上市嘅小米概念股應聲炒上,其中通達(698)爆升一成,重上久違嘅批股價,手機設備經銷商時捷(1184)炒高8%,雖仍未突破下降軌,但從估值角度出發,時捷現價PE 7.9倍,PB 1.8倍,分別較通達平五成及兩成,後者肯定秤先。又時捷有近6厘息打底,在如此爆炸性市場,依然慷慨派息,財務狀況好到你唔信,噚日成交創五個月新高,新一輪攻勢應該來了。

唐牛
https://www.facebook.com/tongcow88

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載