› 選擇地區
三藩市
紐約
洛杉磯
其他美國地區
香港 台灣 北美
 
2014年07月18日

魚樂無窮:一隻有權喪升高息股 - 唐牛

5月初曾推介房託孖寶領匯(823)及置富(778),至今累積升幅16%及12%,穩穩陣陣跑贏大市。美國去年底宣佈啟動退市,10年期債息竟由高位3厘,回落至2.5厘,成為高息股強勢嘅關鍵。事實上,耶倫對未來息口走勢時鴿時鷹,成功牽着市場人士嘅鼻子走,始終金融海嘯至今達六年,美國經濟難得有復蘇瞄頭,斷估儲局都唔想千年道行一朝喪,一於買重低息環境持續。

皓天七厘息前景佳

市面上仍不乏高息股,但要業務同時有睇頭真係可遇不可求,皓天財經(1260)實屬異數!皓天乃本地唯一上市嘅財經公關龍頭,提供財經公關服務外亦籌辦及協調國際路演。截至今年3月底止全年收入上升33%至4.6億銀,盈利亦升24%至1.5億銀。現價市盈率僅8.9倍,以其業務獨特性計,絕對平得交關。講前景,近期新股展開新一輪攻勢,皓天食正條水,而公司主攻內地客戶,未來滬港通開通後,中港股市關係更密切,未來客源肯定更闊更廣,三個字︰冇得輸!
講番重點,皓天上市僅兩年,但中期末期業績均慷慨派息,特別息更係次次有!以去年全年派息0.154元計,現價息率高達6.7厘,名副其實高息股一隻,手頭淨現金達4.9億銀,相當於市值36%,贏晒!如今領匯同置富現價息率分別跌穿4厘及5厘,皓天絕對係換馬嘅好選擇。睇圖表,皓天上市以來呈圓底走勢,現正處於杯柄,一旦突破1.4元,可以升到你唔信。

唐牛
https://www.facebook.com/tongcow88

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載