蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年08月04日
馬上成為壹會員

康樂大廈:東豪式軟飯(下) - 何淑茵

蔡東豪交際手腕的厲害之處,在於深諳「資訊不對稱」之道。 資料圖片

(按:今時今日訊息橫流,話題一攤凍,再講都悶,過去一周坊間亦有多篇關於蔡東豪的精彩文章。不過既然寫了上集,點都要有下集收尾)
上回講到,90後鬼仔健身教練Ryan想知如何嘆「東豪式軟飯」,叫佢首先要學蔡東豪圓滑的交際手腕,即是做世界仔。高級世界仔唔可以只停留喺「見人講人話」低層次級數,最重要是深諳「資訊不對稱」之道。
綜合與蔡生接觸過的人士就知,他在廠佬面前,就sell自己做過banker;在真正bankers面前就自居文化人;遇到政治界人士,就係上市公司CEO。隔行如隔山,這種手段很易令對方以為自己好勁,避免同行一眼看穿的尷尬。
蔡生有charisma,中環醒目仔想學未必學得來,斯文四眼靚仔look中環一街都係,但要好似蔡東豪咁玩埋毅行者,服喇,仲要形象夠正氣,有分加。亦因為咁,10年前他由商台「委身」加入二線工業股精電(710),令人嘖嘖稱奇,但睇番蔡先生CV,其實他有幾屈就?(全中環現在最屈就那個叫陳南祿,下回再寫。)
無錯蔡東豪是幫過李嘉誠打工,但僅是他旗下鼻屎咁細粒的加怡融資,就算在長建(1038)亦只係位及中層。佢無留低等升職,反而去間財技多多的中建電訊做執董,title大咗,但公司級數低咗。最叻仔一次是在商台做COO,坊間引用favour to蔡東豪的版本,指他離職是因為炒鄭大班與俞琤意見分歧。俞琤一方無乜風聲,究竟這是出於不講是非的高尚情操,抑或「膠都費事派」的氣派,這種沉默成為「東豪式軟飯」一塊硬骨。

何淑茵
mailto:noelsyho@gmail.com

關心你飯碗,貼近你生活,即Like「蘋果ATM」FB專頁!
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載